சரசரவென உயரும் தங்கத்தின் விலை - ஒரு கிராம் தங்கத்தின் விலை ரூ.5,100ஐ தாண்டியது
தங்கத்தின் விலை எவ்வளவு அதிகரித்தாலும் அதன் மீதான மோகம் பெரும்பாலான பெண்களுக்கு போவதில்லை. சிலர் தங்கத்தில் போடும் பணத்தை முதலீடாக கருதுவர். சாமானிய மக்கள் மட்டும் இல்லாமல், பங்குச்சந்தைகளில் முதலீடு செய்வோரும் தங்கத்தில் பணம் போடுவர். சர்வேதேச பொருளாதாரத்திற்கு ஏற்ப இந்தியாவில் தங்கத்தின் விலை அவ்வப்போது ஏற்ற, இறக்கத்தோடு காணப்படுவது வழக்கம். கடந்த சில நாட்களாக ஒரு சவரன் தங்கம் ரூ.37,000-த்திற்கு விற்பனை செய்யப்பட்டு வந்ததை அடுத்து, மக்களும் சற்று மகிழ்ச்சியுடன் காணப்பட்டனர். இந்நிலையில் நேற்று தங்கத்தின் விலையில் மாறுதல் ஏற்பட்டு சவரனுக்கு ரூ.40,520க்கு விற்கப்பட்டது. அதனை தொடர்ந்து தற்போது சென்னையில் தங்கத்தின் விலை சவரனுக்கு ரூ.400 உயர்ந்து, ரூ.40,920க்கு விற்பனை செய்யப்பட்டு வருகிறது.
24 கேரட் ஆபரணத் தங்கத்தின் விலை ரூ,416-ஆக உயர்வு
அதே போல், தங்கம் கிராம் ஒன்றுக்கு ரூ.50 உயர்ந்து ரூ.5,115க்கு விற்பனை செய்யப்பட்டு வருகிறது. மேலும் சென்னையில் 24 கேரட் தங்கத்தின் விலை கிராம் ஒன்றுக்கு ரூ.5,580க்கும், சவரனுக்கு ரூ.44,640க்கும் விற்கப்படுகிறது. இது நேற்றைய விலையை விட கிராமிற்கு ரூ.52, சவரனுக்கு ரூ.416-ஆக உயர்ந்துள்ளது. சென்னையை போல் மற்ற மாநிலங்களிலும் தங்கத்தின் விலை அதிகரித்து சிறு சிறு மாற்றங்களுடன் விற்பனை செய்யப்படுகிறது குறிப்பிடத்தக்கது. இதனை தொடர்ந்து சென்னையில் இன்றைய வெள்ளியின் விலை கிராம் ஒன்றுக்கு ரூ.74.70க்கும், ஒரு கிலோ விலை ரூ.74,700க்கும் விற்பனை செய்யப்படுகிறது. நேற்றைய விலையை விட இன்று ரூ.2,200 உயர்ந்துள்ளது.
