ராமநாதபுரம் பரமக்குடியில் 9ம் வகுப்பு மாணவி கூட்டு பலாத்காரம் - 5 பேர் கைது
செய்தி முன்னோட்டம்
ராமநாதபுர மாவட்டம் பரமக்குடியில் வசித்து வரும் 15 வயது மாணவி ஒருவர் தனியார் பள்ளியில் 9ம் வகுப்பு படித்து வருகிறார்.
பரமக்குடியில் வைகை நகரை சேர்ந்த சிகாமணி (44), இவர் பரமக்குடி நகராட்சி அதிமுக கட்சியை சேர்ந்த கவுன்சிலர் ஆவார்.
இவரும் இவரது நண்பரான மாதவன் நகரை சேர்ந்த ராஜா முகமது(36) என்பவரும் இந்த 9ம் வகுப்பு படிக்கும் மாணவியை காரில் ஏற்றி அழைத்து சென்றுள்ளனர்.
சிவகங்கை மாவட்ட மானாமதுரை செல்லும் வழியில் உள்ள ஒரு மகாலுக்கு இந்த மாணவியை அழைத்து சென்ற இவர்கள் அங்கு வைத்து அவரை பாலியல் பலாத்காரம் செய்ததாக கூறப்படுகிறது. இவர்களோடு புது நகரை சேர்ந்த பிரபாகரனும்(42) இணைந்து கூட்டு பலாத்காரத்தில் ஈடுபட்டுள்ளனர்.
5 பேர் கைது
போக்ஸோ சட்டத்தின் கீழ் வழக்கு பதிவு
மாணவியின் பெற்றோர் இதுகுறித்து போலீசாரிடம் புகார் அளித்துள்ளார்கள்.
சிகாமணி நடத்தும் நிறுவனத்தில் பணியாற்றுபவர் கயல்விழி(45), இவர் இந்த மாணவியின் பக்கத்து வீட்டில் வசித்துவருகிறார்.
தனது பள்ளிக்கு பணம் கட்டமுடியாமல் தனது பெற்றோர் கஷ்டப்படுவதாக கயல்விழியிடம் அந்த மாணவி கூறியுள்ளதாக தெரிகிறது.
அதற்கு கயல்விழி தனது முதலாளியிடம் பணம் வாங்கி தருவதாக கூறி அந்த மாணவியை சிகாமணியிடம் கொண்டுவந்து விட்டதாக கூறப்படுகிறது.
இதனால் கயல்விழி மற்றும் அவருடன் பணியாற்றும் அன்னலட்சுமி என்னும் உமா(34) ஆகியோர் மீது இச்செயலுக்கு உடந்தையாக இருந்துள்ளார்கள் என்று வழக்கு பதிவு செய்யப்பட்டுள்ளது.
தொடர்ந்து, சிகாமணி, பிரபாகரன் மற்றும் ராஜா முகமது ஆகியோர் மீது போக்ஸோ சட்டத்தின் கீழ் வழக்கு பதிவு செய்து போலீசார் இவர்கள் 5 பேரையும் கைது செய்துள்ளார்கள்.