முதல்முறையாக, உச்ச நீதிமன்றத்தில் வாதாடிய காதுகேளாத மற்றும் வாய் பேச முடியாத வழக்கறிஞர்
செய்தி முன்னோட்டம்
காதுகேளாத மற்றும் வாய் பேச முடியாத வழக்கறிஞர் ஒருவர், சைகை மொழியைப் பயன்படுத்தி மொழிபெயர்ப்பாளர் மூலம் வாதாடிய வழக்கை உச்ச நீதிமன்றம் முதன்முறையாக விசாரித்தது.
வழக்கறிஞர் சாரா சன்னி, தனது மொழிபெயர்ப்பாளர் திரு சௌத்ரி உடன் இணைந்து,இந்தியத் தலைமை நீதிபதி DY சந்திரசூட் முன் தனது வாதங்களை முன்வைத்தார் என்பது குறிப்பிடத்தக்கது.
உச்ச நீதிமன்ற தலைமை நீதிபதி சந்திரசூட், நீதியை சமமாக அணுகுவதை உறுதி செய்ய வேண்டும் என்று அவ்வப்போது வலியுறுத்தி வருகிறார்.
கடந்த ஆண்டு, உச்ச நீதிமன்ற வளாகத்தினை மாற்றுத்திறனாளிகள் வசதிக்கேற்ப, மாற்றியமைக்குமாறு முன்னதாக கூறினார் என்பதும் குறிப்பிடத்தக்கது.
தலைமை நீதிபதி சந்திரசூட் இரண்டு மாற்றுத்திறனாளி சிறுமிகளின் வளர்ப்புத் தந்தையும் ஆவார்.
card 2
தலைமை நீதிபதி சந்திரசூட்
அதனாலோ என்னவோ, அவர் மாற்று திறனாளிகளுக்கு முன்னுரிமை தருவதாக பல செய்திகள் வெளியாகின்றன.
இந்த ஆண்டின் தொடக்கத்தில், தலைமை நீதிபதி சந்திரசூட் தனது இரண்டு மகள்களையும் தனது பணியிடத்திற்கு ஒரு மறக்கமுடியாத சுற்றுப்பயணத்திற்கு அழைத்து வந்தபோது உச்ச நீதிமன்றத்தில் இருந்த அனைவரும் ஆச்சரியப்பட்டனர்.
நீதிமன்றம் எவ்வாறு செயல்படுகிறது, அங்கு தன்னுடைய பணி என்ன என்பதை அவர் தனது மகள்களுக்கு விளக்கினார்.
இதுமட்டுமின்றி, ஞாயிற்றுக்கிழமை, உச்ச நீதிமன்றமும் முதன்முறையாக சைகை மொழி பெயர்ப்பாளர்களை, அதன் இரண்டு நாள் தேசிய பங்குதாரர்கள் குழந்தை பாதுகாப்பு ஆலோசனையில் பயன்படுத்தியது. அதுமட்டுமின்றி, அந்தத் நிகழ்ச்சிக்கான அழைப்பிதழ் மற்றும் நிகழ்ச்சி விவரங்கள் பார்வையற்றோர் படிக்க உதவும் வகையில் முதன்முறையாக பிரெய்லியில் வெளியிடப்பட்டது என்பதும் குறிப்பிடத்தக்கது.