சென்னை எழும்பூரில் விவசாயிகள் போராட்டத்தில் 100 பேர் கைது
தமிழ்நாடு மாநிலம், நாகப்பட்டினத்தில் சி.பி.சி.எல். பெட்ரோ கெமிக்கல் ஆலை திட்டத்தினை ரத்து செய்ய கோரி விவசாயிகள் சங்கம் சார்பில் சென்னை எழும்பூரில் இன்று(ஏப்ரல்.,11) போராட்டம் நடத்தப்பட்டது. இந்த போராட்டத்தில் நூற்றுக்கும் மேற்பட்டோர் கலந்து கொண்டு, போராட்டத்தில் ஈடுபட்டார்கள் என்று செய்திகள் தெரிவிக்கிறது. இந்த போராட்டத்திற்கு தமிழக விவசாயிகள் பாதுகாப்பு சங்க தலைவர் ஈசன் முருகசாமி என்பவர் தலைமை தாங்கியுள்ளார். இந்த போராட்டம் தமிழக அரசினை கண்டித்து நடத்தப்பட்டதாகும். தொடர்ந்து இந்த போராட்டத்தின் பொழுது, தமிழக அரசே, தமிழக அரசே, முப்போகம் விளையும் எங்கள் விவசாய நிலங்களை பறிக்காதே, பறிக்காதே என அரசினை கண்டித்து கோஷங்களும் எழுப்பப்பட்டதாக தககவல்கள் தெரிவிக்கிறது.
விவசாயிகள் 100 பேரை கைது செய்த போலீசார்
சென்னை எழும்பூர் ராஜரத்தினம் விளையாட்டு அரங்கம் அருகில் இன்று காலை 10 மணியளவில் இந்த போராட்டம் நடத்தப்பட்டது. வேளாண் மண்டலத்தில் உள்ள காவிரி படுகையில் நாகப்பட்டினம் பனங்குடியில் சிபிசிஎல் பெட்ரோ கெமிக்கல் ஆலை திட்டம் அமையவுள்ளதை எதிர்த்து, இதனை ரத்து செய்ய வேண்டும் என்று கூறி, தமிழக விவசாயிகள் பாதுகாப்பு சங்கத்தின் சார்பில் தொடர் காத்திருப்பு போராட்டமும், உண்ணாவிரத போராட்டமும் நடந்தது. இதில் ஏராளமான விவசாயிகள் கலந்துகொண்டனர். இந்த 100க்கும் மேற்பட்ட போராட்டக்காரர்களை தடுத்த நிறுத்த போலீசார் முயற்சி செய்துள்ளார்கள். பின்னர் இவர்களுள் 100 விவசாயிகளை போலீசார் கைது செய்து தனியார் மண்டபம் ஒன்றில் அடைத்து வைத்தது குறிப்பிடத்தக்கது.
