சட்டம் பேசுவோம்: ஈவ் டீசிங்கிற்கு எதிரான இந்திய சட்டங்களின் பட்டியல்
செய்தி முன்னோட்டம்
சட்டம் பேசுவோம்: 'ஈவ் டீசிங்' என்பது பெண்களுக்கு எரிச்சலூட்டும் செயல்களை செய்வதாகும்.
பெண்களை எரிச்சலூட்டும் விதமாக கேலி செய்வது, கமெண்ட் அடிப்பது, சைகைகளை காட்டுவது, உடல் ரீதியாகவோ அல்லது உளவியல் ரீதியாகவோ சங்கடப்படுத்துவது ஆகியவை 'ஈவ் டீசிங்' என்று அழைக்கப்படுகிறது.
பெண்களின் அனுமதி இல்லாமல், அவர்களது தனியுரிமையில் தலையிடும் நோக்கத்துடன் யாராவது எதையாவது செய்தால் அது ஈவ் டீசிங்காக கருதப்படும்.
இந்திய தண்டனைச் சட்டத்தில், ஈவ் டீசிங் என்ற வார்த்தை எங்குமே இடம்பெறவில்லை.
ஒரு பெண்ணின் கண்ணியம் மற்றும் சுயமரியாதையை அவமதிக்கும் மனநிலை அல்லது நடத்தையை இந்திய தண்டனைச் சட்டம் ஈவ் டீசிங்காக கருதுகிறது.
ஈவ் டீசிங்கிற்கு எதிரான இந்திய சட்டங்களின் பட்டியலை இப்போது பார்க்கலாம்.
card 2
இந்திய அரசியலமைப்பில் இருக்கும் பெண்களுக்கு ஆதரவான சட்டங்கள்
பிரிவு-21:
ஒரு பெண்ணின் கண்ணியம் மற்றும் சுயமரியாதையை காப்பது, இந்திய அரசியலமைப்பின்-21வது பிரிவின்படி அடிப்படை உரிமையாகும்.
இதுபோக, ஈவ்-டீசிங்கால் பாதிக்கப்பட்டவர்கள் கீழே குறிப்பிட்டுள்ள IPC பிரிவுகளின் உதவியையும் நாடலாம்.
சட்டப்பிரிவு-354:
உடல் புணர்வு அல்லாத பாலியல் வன்கொடுமை செய்தால் சட்டப்பிரிவு-354இன் கீழ் தண்டனை வழங்கப்படும்.
சட்டப்பிரிவு-509:
ஒரு பெண்ணின் கண்ணியத்தை அவமதிக்கும் நோக்கத்துடன் பேசினால், செயல்களை செய்தால் அல்லது சைகைகளைக் காட்டினால் சட்டப்பிரிவு-509இன் கீழ் தண்டனை வழங்கப்படும்.
சட்டப்பிரிவு-294:
ஆபாசமாக கருதப்படும் செயல்களை செய்தல் அல்லது பாடல்களை பாடுதல் சட்டப்பிரிவு-294இன் கீழ் வரும்.
சட்டப்பிரிவு-354:
அனுமதி இல்லாமல் ஒரு பெண்ணை பின்தொடர்பவர்களுக்கு சட்டப்பிரிவு-354க்கு கீழ் தண்டனை பெற்று தரலாம்.
மேலும், சட்டப்பிரிவு-354க்கு கீழ் பெண்களுக்கு ஆதரவான பல சட்டங்கள் 2013ஆம் ஆண்டு சேர்க்கப்பட்டன.