'பிரிஜ் பூஷனை தண்டிக்க தேவையான ஆதாரங்கள் இருக்கிறது': டெல்லி காவல்துறை
செய்தி முன்னோட்டம்
WFI தலைவர் பிரிஜ் பூஷன் சரண் சிங்கிற்கு எதிரான பாலியல் துன்புறுத்தல் குற்றச்சாட்டு வழக்கில் அவரை தண்டிக்க தேவையான ஆதாரங்கள் கிடைத்துள்ளது என்று டெல்லி காவல்துறை வட்டாரங்கள் தெரிவித்துள்ளன.
இந்திய மல்யுத்த சம்மேளனத்தின்(WFI) தலைவரும் ஆளும் பாஜகவின் எம்பியுமான பிரிஜ்-பூஷன், பெண் மல்யுத்த வீரர்களை பாலியல் ரீதியாக துன்புறுத்தியதாக அவர் மீது குற்றம் சாட்டப்பட்டுள்ளது.
அவரை கைது செய்யக்கோரி இந்தியாவின் முன்னணி மல்யுத்த வீரர்கள் டெல்லியில் பல நாட்களாக போராட்டம் நடத்தி வந்தனர்.
அந்த போராட்டங்கள் தற்போது நிறுத்தப்பட்டிருந்தாலும், "எங்கள் போராட்டம் நீதிமன்றத்தில் தொடரும்" என்று போராட்டக்காரர்கள் தெரிவித்திருந்தனர்.
அதன்பிறகு, கடந்த 15ஆம் தேதி பிரிஜ் பூஷனுக்கு எதிராக 1000 பக்க குற்றப்பத்திரிகையை டெல்லி போலீஸார் பாட்டியாலா ஹவுஸ் கோர்ட்டில் தாக்கல் செய்தனர்.
ஸ்ஹ்ய
பிரிஜ் பூஷன் நிருபரிடம் தவறாக நடந்து கொண்டதாக குற்றச்சாட்டு
இந்த குற்றப்பத்திரிகையை தாக்கல் செய்வதற்கு முன், 100 பேரிடம் விசாரணை நடத்தப்பட்டது என்றும், அதில் 15-பேர் பிரிஜ் பூஷனுக்கு எதிராக வாக்கு மூலம் அளித்தனர் என்றும் டெல்லி காவல்துறை தெரிவித்துள்ளது.
மேலும், அதனால் அவரை தண்டிக்க தேவையான ஆதாரங்கள் கிடைத்துள்ளன என்றும் டெல்லி காவல்துறை வட்டாரங்கள் தெரிவித்திருக்கிறது.
இதற்கிடையில், ஜூலை-18ஆம் தேதி அவர் டெல்லியின் ரூஸ் அவென்யூ நீதிமன்றத்தில் ஆஜராக இருக்கும் நிலையில், இதுகுறித்து நேற்று சில செய்தியாளர்கள் அவரிடம் கேள்வி எழுப்பினர்.
அதற்கு பதிலளித்த அவர், எதுவாக இருந்தாலும் நீதிமன்றத்தில் பேசி கொள்வேன் என்றும், ஊடங்கங்களுக்கு மசாலா செய்தி கொடுக்க விருப்பம் இல்லை என்றும் தெரிவித்துள்ளார்.
அந்த பேட்டியின் போது, 'டைம்ஸ்-நவ்' நிருபரிடம் அவர் தவறாக நடந்து கொண்டதாகவும் குற்றசாட்டுகள் எழுந்துள்ளன.