பொறியியல் சேர்க்கை முடிந்த பிறகும் 'ஈ ஓட்டும்' பொறியியல் கல்லூரிகள்
செய்தி முன்னோட்டம்
இந்த வருடத்திற்கான பொறியியல் சேர்க்கை முடிவடைந்திருக்கும் நிலையில், தமிழிகக்தில் மொத்தமுள்ள 442 பொறியியல் கல்லூரிகளில், 1,06104 இடங்கள் மட்டுமே நிரப்பப்பட்டுள்ளன. 54,676 இடங்கள் இன்னும் காலியாக உள்ளன. துணை கவுன்சிலிங்கிற்கு பிறகு காலி இடங்களின் எண்ணிக்கை குறையும் என எதிர்பார்க்கப்படுகிறது. தமிழிகக்தில் மொத்தமுள்ள 442 பொறியியல் கல்லூரிகளில், 186 கல்லூரிகளில் 80%க்கும் அதிகமான மாணவர்கள் சேர்ந்துள்ளனர். 263 கல்லூரிகளில் 50% க்கும் அதிகமான இடங்கள் நிரம்பியுள்ளன. 61 கல்லூரிகளில் 10%க்கும் குறைவான இடங்களே நிரப்பப்பட்டுள்ளன. 37 கல்லூரிகளில் 10 எண்ணிக்கைக்கும் குறைவான மாணவர்களே சேர்ந்துள்ளனர். 11 கல்லூரிகளில் ஒரு மாணவர் கூட சேரவில்லை.
டஜஸால்
அரசு பொறியியல் கல்லூரிகளில் விரும்பி சேரும் மாணவர்கள்
இதற்கிடையில், கவுன்சிலிங்கிற்குப் பிறகு மாணவர் சேர்க்கை குறைவாக உள்ள கல்லூரிகளில் ஆய்வு நடத்த அண்ணா பல்கலைக்கழகம் திட்டமிட்டுள்ளதாக கூறப்படுகிறது. 100% இடங்களை நிரப்பிய 16 கல்லூரிகளில் 12 கல்லூரிகள் அரசு பொறியியல் கல்லூரிகளாகும். அரசுப் பள்ளி மாணவர்களுக்கான 7.5% இடஒதுக்கீட்டின் கீழ் சேர்ந்த மாணவர்களின் எண்ணிக்கையும் கடந்த ஆண்டை விட(8,263 மாணவர் சேர்க்கை) இந்த ஆண்டு(11,058 மாணவர் சேர்க்கை) அதிகரித்துள்ளது. மேலும், கடந்த ஆண்டை விட இந்த ஆண்டு கூடுதலாக 10,234 மாணவர்கள் பொறியியல் கல்லூரிகளில் இடம் பிடித்துள்ளனர். செயற்கை நுண்ணறிவு கருவியான ChatGPT மற்றும் அதில் இருக்கும் சிறந்த வேலை வாய்ப்புகள் போன்றவற்றின் மீதான மோகம் மாணவர்களை பொறியியல் படிப்புகளுக்கு ஈர்த்திருக்கலாம் என்று நிபுணர்கள் கூறுகின்றனர்.