தீயில் சேதமடைந்த EVMகள்; மறுவாக்குப்பதிவு நடத்த தேர்தல் ஆணையம் உத்தரவு
செய்தி முன்னோட்டம்
மின்னணு வாக்குப்பதிவு இயந்திரங்கள் (EVM) பழுதடைந்ததால், மத்தியப் பிரதேச மாநிலம் பெதுலில் உள்ள 4 வாக்குச்சாவடிகளில் மறுவாக்குப்பதிவு நடத்த, இந்தியத் தேர்தல் ஆணையம் உத்தரவிட்டுள்ளது.
செவ்வாய்க்கிழமை இரவு, வாக்குச்சாவடி ஊழியர்கள் மற்றும் மின்னணு வாக்குப்பதிவு இயந்திரங்களை ஏற்றிச் சென்ற பேருந்து, தீப்பிடித்ததில் EVMகள் சேதமடைந்தன.
அதிர்ஷ்டவசமாக, பேருந்தில் இருந்த 36 நபர்களும் எந்த காயமும் இன்றி பாதுகாப்பாக வெளியேற முடிந்தது என உள்ளூர் காவல்துறையால் உறுதிப்படுத்தியது.
இதனைத்தொடர்ந்து நாடாளுமன்றத் தொகுதியின் முல்டாய் சட்டமன்றப் பிரிவுக்குள்பட்ட சிக்லிமால், துடர் ராயத், குந்தா ராயத், மற்றும் ராஜாபூர் ஆகிய 4 வாக்குச் சாவடிகளில் மறுவாக்குப்பதிவு நடத்த உத்தரவிடப்பட்டுள்ளது.
தீ விபத்து குறித்த அறிக்கையை மாவட்ட நிர்வாகம் தேர்தல் ஆணையத்திடம் சமர்ப்பித்ததை அடுத்து இந்த முடிவு எடுக்கப்பட்டுள்ளது.
சம்பவ அறிக்கை
தீ விவரங்கள் மற்றும் தேர்தல் கண்ணோட்டம்
தேர்தல் பணி முடிந்து பேருந்து திரும்பிக் கொண்டிருந்த போது கவுலா கிராமத்தில் தீ விபத்து ஏற்பட்டது.
காவல்துறை கண்காணிப்பாளர் ஜாரியாவின் கூற்றுப்படி , இயந்திரக் கோளாறே தீ விபத்துக்குக் காரணம் எனக்கண்டறியப்பட்டுள்ளது.
நான்கு மின்னணு வாக்குப்பதிவு இயந்திரங்கள் சிறிய சேதத்தை சந்தித்தன, மற்ற இரண்டு அப்படியே இருந்தன.
கதவுகள் அடைக்கப்பட்டதால், ஊழியர்கள் கண்ணாடி ஜன்னல்களை உடைத்துக்கொண்டு தப்பினர்.
நாடாளுமன்றத் தொகுதியின் முல்டாய் சட்டமன்றப் பிரிவுக்குட்பட்ட இந்தச் சாவடிகளில், மே 10-ஆம் தேதி காலை 7:00 மணி முதல் மாலை 6:00 மணி வரை மாற்றியமைக்கப்பட்ட வாக்குப்பதிவு நடைபெற உள்ளது.
மறு வாக்குப்பதிவுக்கான ஏற்பாடுகள் முழுவீச்சில் நடைபெற்று வருவதாக என்றும் பெதுல் ஆட்சியர், நரேந்திர சூர்யவன்ஷி உறுதிப்படுத்தினார்.