விக்கிரவாண்டி தொகுதிக்கான இடைத்தேர்தல் தேதி அறிவிப்பு
விக்கிரவாண்டி சட்டமன்ற தொகுதியின் திமுக வேட்பாளர் மறைந்ததை அடுத்து காலியாக இருந்த அத்தொகுதிக்கான இடைத்தேர்தல் தேதியை தேர்தல் ஆணையம் அறிவித்துள்ளது. இந்த தொகுதியுடன், இந்தியாவில் உள்ள மேலும் 12 சட்டமன்ற தொகுதிகளுக்கான இடைத்தேர்தலும் வரும் ஜூலை 10ஆம் தேதி நடைபெறவுள்ளது. தேர்தல் ஆணையத்தின் அறிவிப்பின்படி, இந்த தொகுதிகளுக்கான வேட்பு மனு தாக்கல் ஜூன் 14ஆம் தேதி தொடங்குகிறது. வேட்பு மனுவை தாக்கல் செய்வதற்கான இறுதி நாள் ஜூன் 21ஆம் தேதி ஆகும். இதைத் தொடர்ந்து வேட்பு மனுவை திரும்ப பெறுவதற்கான கடைசி நாள், ஜூன் 26ஆம் தேதி எனவும் தேர்தல் ஆணையம் அறிவித்துள்ளது. தொடர்ந்து ஜூலை 10ஆம் தேதி வாக்குப்பதிவு நடைபெற்று, ஜூலை 13ஆம் தேதி வாக்கு எண்ணிக்கை நடைபெறும் எனவும் அறிவிக்கப்பட்டுள்ளது.
