தேர்தல் கூட்டணியில் நிலைமாறுகிறதா தேமுதிக? பாஜக கூட்டணியுடன் பேச்சுவார்த்தை தொடங்க முடிவு
எதிர்வரவிருக்கும் நாடாளுமன்ற தேர்தலுக்கு பல கட்சிகள் தங்கள் கூட்டணி நிலைப்பாடை எட்டிய நிலையில், அதிமுக கூட்டணி இன்னும் உறுதிபட எந்த முடிவையில் எடுக்கவில்லை. அதோடு, அதிமுக- தேமுதிக கூட்டணி பேச்சு வார்த்தை பல கட்டங்களை தாண்டியும் இறுதியாகாத நிலையில், தேமுதிக தன்னுடைய நிலைப்பாட்டை மாற்றியுள்ளதாக செய்திகள் தெரிவிக்கின்றன. அதன்படி, தேமுதிக, பாஜக கூட்டணியிடம் பேச்சுவார்த்தையை தொடர முடிவெடுத்துள்ளதாக கூறப்படுகிறது. தேமுதிக தலைவர் விஜயகாந்தின் மறைவிற்கு பிறகு தேமுதிக சந்திக்கவுள்ள முதல் தேர்தல் இது. கட்சியின் பொதுச்செயலாளராக தன்னை நிரூபிக்கவேண்டிய கட்டாயத்தில் பிரேமலதா இருக்கிறார். இந்நிலையில், தேர்தலில் தங்கள் கட்சிக்கு ஒரு ராஜ்ய சபா இடத்தை ஒதுக்கும் கட்சியுடன் தான் கூட்டணி என்ற முடிவில் இருப்பதாகவும் செய்திகள் தெரிவிக்கின்றன.
