கர்நாடக முதல்வரை தேர்ந்தெடுக்கும் பிரச்சனை: இன்று என்ன நடந்தது
செய்தி முன்னோட்டம்
கர்நாடக சட்டமன்றத் தேர்தலில் காங்கிரஸ் அமோக வெற்றி பெற்றதை அடுத்து, முதல்வராக யார் பதவியேற்பார் என்ற போட்டி இன்னும் தொடர்கிறது.
கர்நாடக காங்கிரஸ் தலைவர் டிகே.சிவகுமார் மற்றும் முன்னாள் முதல்வர் சித்தராமையா ஆகியோர் இந்த பதிவிக்காக போட்டியிட்டு வருகின்றனர்.
நேற்று காங்கிரஸ் தலைவர் ராகுல் காந்தி, கர்நாடகாவுக்கு பொறுப்பான AICC பொதுச் செயலாளர் ரன்தீப் சுர்ஜேவாலா மற்றும் பொதுச் செயலாளர்(அமைப்பு) கே.சி.வேணுகோபால் ஆகியோர் கார்கேவுடன் இது குறித்து பேச்சுவார்த்தை நடத்தினர்.
இந்நிலையில், கர்நாடக முதல்வராக சித்தராமையாவும், துணை முதல்வராக டிகே.சிவகுமாரும் பதவியேற்பார்கள் என்ற செய்தி வெளியாகி இருந்தது.
ஆனால், டி.கே. சிவக்குமார், துணை முதல்வர் பதவிக்கு தான் தயாராக இல்லை என்று காங்கிரஸ் மேலிடத்திடம் கூறியுள்ளார்.
details
அடுத்த கர்நாடக முதல்வர் யார்: ஆலோசனைகள் இன்னும் தொடர்கிறது
'கொடுத்தால் முதல்வர் பதவியை கொடுங்கள் இல்லையென்றால் எதுவும் வேண்டாம்' என்று அவர் கூறியதாக கூறப்படுகிறது.
மேலும், சித்தராமையா மூன்று ஆண்டுகளில் என்ன செய்தார் என்று டிகே.சிவக்குமார் கேள்வி எழுப்பியதாக வட்டாரங்கள் தெரிவித்துள்ளன.
சிவக்குமார் மற்றும் காங்கிரஸ் தலைவர் மல்லிகார்ஜுன் கார்கே இடையே இன்று மாலை 6 மணிக்கு மேல் இரண்டாம் கட்ட சந்திப்பு நடைபெறும் என்று கூறப்பட்டது. இந்த கூட்டத்தில் ராகுல் காந்தியும் கலந்து கொள்வார் என தகவல்கள் தெரிவிக்கின்றன.
கர்நாடகாவின் அடுத்த முதல்வராக சித்தராமையா பதவியேற்க வாய்ப்புள்ளதாக செய்திகள் வெளியாகி இருந்தன.
ஆனால், இந்த செய்திகளை நிராகரித்த காங்கிரஸ், கர்நாடக முதல்வர் பதவி குறித்த ஆலோசனைகள் இன்னும் நடந்து வருவதாக தெரிவித்துள்ளது.