தெரு நாய்களுக்கு அலங்காரம் செய்து வழிபாடு - விநோத முறையில் தீபாவளி கொண்டாட்டம்
செய்தி முன்னோட்டம்
தீபாவளி பண்டிகை மனிதர்கள் மட்டும் தான் கொண்டாட வேண்டும் என்னும் அவசியம் இல்லை என்பதை எடுத்துரைக்கிறது இந்த செய்தி குறிப்பு.
மேற்கு வங்காளம் சிலிகுரி நகரில் தான் இந்த விநோத தீபாவளி கொண்டாட்டம் நடக்கிறது.
இந்த கொண்டாட்டம் அப்பகுதியில் குகுர் திகார் அல்லது குரூர் பூஜை என்னும் பெயரில் அறியப்படுகிறது.
இதன் படி, மேற்கு வங்காளம் சிலிகுரி நகரில் வசிக்கும் மக்கள் தங்கள் வீட்டில் வைத்து வளர்க்கும் வளர்ப்பு நாய்களுக்கு மட்டுமின்றி, தெரு நாய்களையும் குளிக்க வைத்து, சுத்தம் செய்து அதனை அழகாக அலங்கரிக்கிறார்கள்.
இந்த வினோத கொண்டாட்ட நிகழ்வானது நேற்று(நவ.,11) அரங்கேறியுள்ளது என்று தகவல்கள் தெரிவிக்கிறது.
நாய்கள்
விலங்குகளுக்கான உதவி மைய உறுப்பினர் பிரியா ராய் பங்கேற்பு
மேலும், தங்கள் சுவையாக விதவிதமாக சமைத்து வைத்துள்ள உணவுகளை நாய்களுக்கு இப்பகுதி மக்கள் அளித்துள்ளனர்.
இந்த திருவிழா மிக விமர்சையாக நேற்று நடந்த நிலையில், விலங்குகளுக்கான உதவி மைய உறுப்பினர் பிரியா ராய் கலந்துகொண்டார்.
அப்போது அவர் பேசுகையில், "மிகுந்த உற்சாகம் மற்றும் ஆர்வத்தோடு இந்த குகுர் திகார் பண்டிகை கொண்டாடப்பட்டது" என்று தெரிவித்தார்.
தொடர்ந்து அவர் பேசுகையில், "கடவுளை வழிபடுவது போல் தெரு நாய்களை நாங்கள் வழிபாடு செய்தோம்" என்றும்,
"எங்களை போல் நீங்களும் உங்கள் பகுதிகளில் உள்ள தெரு நாய்களுக்கு மதிப்பளித்து அதற்கு உணவளியுங்கள் என்று வேண்டுகோள் விடுக்கிறேன்" என்றும் கேட்டுக்கொண்டுள்ளார்.