கூட்டுறவு சங்க பணியாளர்களுக்கு தீபாவளி போனஸ் - தமிழக அரசு அதிரடி உத்தரவு
செய்தி முன்னோட்டம்
தீபாவளி பண்டிகை கொண்டாடப்படவுள்ள நிலையில், கூட்டுறவு சங்க பணியாளர்களுக்கு போனஸ் வழங்க தமிழக அரசு உத்தரவு பிறப்பித்துள்ளது.
இதுகுறித்த அறிக்கையில், தமிழ்நாடு கூட்டுறவு சங்கங்களில் பணிபுரியும் பணியாளர்களுக்கு 2023ம்-ஆண்டின் போனஸ் மற்றும் 2024ம் ஆண்டின் கருணை தொகை வழங்க தமிழக முதல்வர் மு.க.ஸ்டாலின் உத்தரவு பிறப்பித்துள்ளார் என்று கூறப்பட்டுள்ளது.
மேலும், போனஸ் சட்டத்தின்கீழ் உள்ள கூட்டுறவு சங்கங்களில் பணிபுரிவோருக்கு கடந்தாண்டு போலவே அவர்களது சம்பளத்தொகையில் 10% போனஸ் வழங்க உத்தரவிடப்பட்டுள்ளது என்றும் குறிப்பிடப்பட்டுள்ளது.
அதேபோல் போனஸ் சட்டத்தின்கீழ் வராத பணியாளர்களுக்கு ரூ.3,000 மற்றும் தொடக்க சங்கங்களில் பணிபுரிவோருக்கு ரூ.2,400ம் கருணைத்தொகையாக வழங்கப்படவுள்ளது.
இதனையொட்டி, மொத்தம் 44,270 பணியாளர்களுக்கு போனஸ் மற்றும் கருணைத்தொகை வழங்க ரூ.28 கோடியே 1 லட்சம் நிதி ஒதுக்கீடு செய்யப்பட்டுள்ளது.
ட்விட்டர் அஞ்சல்
தீபாவளி போனஸ்
#BREAKING | தமிழ்நாடு கூட்டுறவுச் சங்க பணியாளர்களுக்கு தீபாவளி போனஸ் வழங்க முதலமைச்சர் உத்தரவு
— Sun News (@sunnewstamil) November 7, 2023
44,270 பணியாளர்களுக்கு போனஸ் வழங்க ₹28 கோடி ஒதுக்கீடு#SunNews | #CMMKStalin pic.twitter.com/47n5l4ajLz