டெல்லி பள்ளிக்கு வெடிகுண்டு மிரட்டல்: பள்ளியில் இருந்து மாணவர்கள் வெளியேற்றம்
தெற்கு டெல்லியில் உள்ள பள்ளிக்கு மின்னஞ்சல் மூலம் வெடிகுண்டு மிரட்டல் வந்ததையடுத்து பள்ளி மாணவர்கள் இன்று(ஏப் 12) வெளியேற்றப்பட்டனர். வளாகத்தில் வெடிகுண்டு வைக்கப்பட்டுள்ளதாக காலை 10:49 மணியளவில் டெல்லி சாதிக் நகரில் உள்ள இந்தியன் பப்ளிக் பள்ளிக்கு ஒரு மின்னஞ்சல் அனுப்பப்பட்டது என்று போலீஸார் தெரிவித்துள்ளனர். முன்னெச்சரிக்கை நடவடிக்கையாக பள்ளியில் இருந்த அனைவரும் வெளியேற்றப்பட்டனர். பள்ளிக்கு வெளியே மாணவர்களும் பெற்றோர்களும் கூடி இருப்பது போன்ற காட்சிகளை செய்தி சேனல்கள் வெளியிட்டன. "எங்கள் குழந்தைகளை வீட்டிற்கு அழைத்துச் செல்லும்படி பள்ளியிலிருந்து எங்களுக்கு ஒரு செய்தி வந்தது" என்று பெற்றோர்கள் தெரிவித்துள்ளனர்.
சந்தேகப்படும்படியான எதுவும் கண்டுபிடிக்கப்படவில்லை
பள்ளி நிர்வாகிக்கு வெடிகுண்டு மிரட்டல் வருவது இது முதல் முறையல்ல. கடந்த ஆண்டு நவம்பரில், ஒரு மர்ம நபரிடமிருந்து பள்ளி நிர்வாகிக்கு இதே போன்ற ஒரு மின்னஞ்சல் வந்தது. அது வெறும் மிரட்டல் என்பது பின்னர் கண்டுபிடிக்கப்பட்டது. எங்கள் குழுக்கள் வெடிகுண்டு செயலிழப்பு படை மற்றும் நாய் படையுடன் சம்பவ இடத்தில் சோதனை நடத்தி வருகின்றனர்." என்று மூத்த காவல்துறை அதிகாரி சந்தன் சவுத்ரி செய்தி நிறுவனமான ANIயிடம் தெரிவித்துள்ளார். பள்ளியில் தேடுதல் வேட்டை நடைபெற்று வருகிறது. இதுவரை சந்தேகப்படும்படியான எதுவும் கண்டுபிடிக்கப்படவில்லை.
