சென்னையில் போதையில் வாகனம் ஓட்டியவர்களிடம் 7 வாரங்களில் ரூ.6 கோடி அபராதம் வசூல்
செய்தி முன்னோட்டம்
சென்னை பெருநகர போக்குவரத்து காவல்துறை சமீபகாலமாக தொடர்ந்து வாகன தணிக்கைகளில் ஈடுபட்டு வருகிறார்கள். போக்குவரத்து விதிமீறல்களை கட்டுக்குள் கொண்டுவர கடந்த அக்டோபர் மாதம் குடித்துவிட்டு வாகனம் ஓட்டினால் 10,000ஆயிரம் அபராதம் செலுத்தவேண்டும் என்று அறிவிக்கப்பட்டது. அதிக தொகை என்பதால் பலரும் அந்த அபராதத்தினை செலுத்தாமல் இருந்து வந்துள்ளனர். இதனால் 7.532 குடிபோதை வழக்குகள் நீதிமன்றத்தில் நிலுவையில் இருந்துவந்துள்ளது. எனவே இதுகுறித்து சென்னை பெருநகரில் 10 இடங்களில் அமைந்துள்ள அழைப்பு மையங்கள் மூலம் தகவலளித்து நேரில் வரவழைத்து வழக்குகளை முடிக்க நடவடிக்கை மேற்கொள்ளப்பட்டது. அதன்படி, அழைப்பினை ஏற்று 545பேர் ஆஜராகி அவர்களது நிலுவைத்தொகையினை செலுத்தியுள்ளார்கள் என்று தகவல்கள் தெரிவிக்கிறது. இதன்மூலம் 10 அழைப்பு மையங்களில் 816 வழக்குகள் தீர்வுகாணப்பட்டு அபராத தொகையாக ரூ.84,82,500 செலுத்தப்பட்டுள்ளது.
347 நீதிமன்ற ஆணை
அசையும் சொத்துக்கள் இருந்தால் பறிமுதல் செய்யப்படும்
கடந்த 6 வாரங்களில் இந்த நடவடிக்கை மூலம் 4,922 வழக்குகள் தீர்க்கப்பட்டு ரூ.5.09 கோடி அபராதத்தொகை வசூல் செய்யப்பட்டுள்ளது. தொடர்ந்து 7வது வாரத்தில் நிலுவையில் இருந்த 5,738 மதுபோதை வழக்குகள் தீர்க்கப்பட்டு ரூ.5,93,78,500 அபராத தொகை வசூலாகியுள்ளது என்று கூறப்படுகிறது. அபராதத்தொகை விதித்து 14 நாட்களுக்குள் அதனை செலுத்தாவிடில் அவர்களது வாகனம் மட்டுமின்றி வேறு வாகனங்களாக இருந்தாலும், அசையும் சொத்துக்கள் இருந்தால் அதனுள் ஒன்றினை பறிமுதல் செய்ய நீதிமன்ற ஆணை பிறப்பிக்கப்படும் என்று எச்சரிக்கை விடப்பட்டுள்ளது. மேலும், ஏற்கனவே இது போன்று மது போதையில் வாகனம் ஒட்டிவிட்டு அபராதம் செலுத்தாதவர்களின் அசையும் சொத்துக்களை பறிமுதல் செய்ய 347 நீதிமன்ற ஆணை பிறப்பிக்கப்பட்டுள்ளது, அதனை செயல்படுத்த நடவடிக்கை மேற்கொள்ளப்பட்டு வருகிறது என்றும் தெரிவிக்கப்பட்டுள்ளது குறிப்பிடத்தக்கது.