பதிவு செய்யப்படாத மகளிர் விடுதிகளுக்கு சென்னை மாவட்ட ஆட்சியர் எச்சரிக்கை
சென்னையில் செயல்பட்டு வரும் மகளிர் விடுதிகள் முறையாக பதிவு செய்யப்படாமல் இயக்கப்பட்டு வந்தால் அதன் உரிமையாளர்கள் மீது வழக்குப்பதிவு செய்யப்பட்டு அதிகபட்சமாக 2 ஆண்டு சிறை தண்டனை விதிக்கப்படும் என்று சென்னை மாவட்ட ஆட்சியர் ரஷ்மி சித்தார்த் எச்சரிக்கை விடுத்துள்ளார். இதற்கான செய்திக்குறிப்பில், சென்னையிலுள்ள தனியார் மகளிர் விடுதிகள், இல்லங்கள், தமிழ்நாடு பெண்கள்-குழந்தைகள் தங்கும் விடுதிகள் அனைத்தும் ஒழுங்குமுறை சட்டம் 2014-15ன்.,கீழ் பதிவு செய்திருக்கவேண்டும். அப்படி இல்லையெனில் https://tnswp.com என்னும் இணையதளத்தில் பதிவு செய்யலாம். அதற்கு, சொந்த கட்டிடம்/வாடகை ஒப்பந்தப்பத்திரம், கட்டிட வரைபடம், கட்டிடத்தின் உறுதி சான்றிதழ், தீயணைப்புத்துறையின் தடையில்லா சான்றிதழ், அறக்கட்டளை பதிவுப்பத்திரம் உள்ளிட்ட ஆவணங்கள் வரும் 30ம்.,தேதி மாலை 5 மணிக்குள் இணையத்தில் பதிவேற்றம் செய்யப்பட வேண்டும் என்று குறிப்பிடப்பட்டுள்ளது.
