சண்டிகர் தேர்தல் அதிகாரி மீது வழக்கு தொடர வேண்டும்: உச்ச நீதிமன்றம் வலியுறுத்தல்
செய்தி முன்னோட்டம்
சண்டிகர் மேயர் தேர்தல் வாக்கு எண்ணிக்கையின் போது குளறுபடி நடந்த விவகாரத்தை கண்டித்து, தேர்தல் நடத்தும் அதிகாரி அனில் மசிஹ் மீது வழக்குத் தொடர வேண்டும் என்று உச்ச நீதிமன்றம் கூறியுள்ளது.
இந்தியாவின் வரலாற்றில் முதல்முறையாக தேர்தல் நடத்தும் அதிகாரியை தலைமை நீதிபதி குறுக்கு விசாரணை செய்வது இதுவே முதன்முறையாகும்.
சமீபத்தில் நடந்த சண்டிகர் மேயர் தேர்தலில் பாஜக வேட்பாளர் மனோஜ்குமார் சோங்கர் வெற்றி பெற்றார்.
எதிர்க்கட்சி கூட்டணி வேட்பாளரின் 8 வாக்குகள் செல்லாது என அறிவிக்கப்பட்டதை அடுத்து, ஆம் ஆத்மி-காங்கிரஸ் கூட்டணி வேட்பாளர் குல்தீப் சிங் தோற்கடிக்கப்பட்டார்.
8 வாக்குகள் செல்லாது என அறிவிக்கப்பட்டதற்கு எதிராக பஞ்சாப்-ஹரியானா உயர்நீதிமன்றத்தை ஆம் ஆத்மி அணுகியது.
சண்டிகர்
வாக்குச் சீட்டுகளை நீதிமன்றத்திற்கு கொண்டுவர உத்தரவு
ஓய்வுபெற்ற நீதிபதியின் மேற்பார்வையின் கீழ் புதிய தேர்தலை நடத்த வேண்டும் என்று கோரி பஞ்சாப் மற்றும் ஹரியானா உயர்நீதிமன்றத்தில் ஆம் ஆத்மி கவுன்சிலர் குல்தீப் குமார் மனு தாக்கல் செய்தார்.
ஆனால், அவருக்கு இடைக்கால நிவாரணம் வழங்க பஞ்சாப்-ஹரியானா உயர்நீதிமன்றம் மறுத்துவிட்டது. அதன்பிறகு, அவர் இது குறித்து உச்ச நீதிமன்றத்தில் மேல் முறையீடு செய்தார்.
இன்று இந்த பிரச்சனையை விசாரித்த உச்ச நீதிமன்றம், வாக்குச் சீட்டுகளை பரிசீலனைக்காக செவ்வாய்க்கிழமை நீதிமன்றத்திற்கு கொண்டு வருமாறு உத்தரவிட்டுள்ளது.
புதிதாக தேர்தலை நடத்துவதற்கு பதிலாக, வேறொரு தேர்தல் அதிகாரியின் மூலம் வாக்குகளை மீண்டும் எண்ண வேண்டும் என்று முதலில் முன்மொழிந்த நீதிமன்றம், வாக்குச்சீட்டுகளை ஆய்வு செய்த பிறகு இந்த பிரச்சினை குறித்து முடிவு செய்யப்படும் என்று கூறியுள்ளது.