பயணிகள் கவனத்திற்கு, அக்டோபர் 8 வரை பல எக்ஸ்பிரஸ் ரயில்களின் வழித்தடங்களில் மாற்றம்
செய்தி முன்னோட்டம்
நாளை முதல் அக்டோபர் 8 வரை பல எக்ஸ்பிரஸ் ரயில்களின் வழித்தடங்கள் மாற்றப்படுகிறது.
இது குறித்து இன்று தெற்கு ரயில்வே அறிக்கை வெளியிட்டுள்ளது.
அதன்படி,"மதுரை -திண்டுக்கல் ரயில் நிலையங்களுக்கு இடையே நாளை (வியாழக்கிழமை) முதல் வருகிற அக்டோபர் மாதம் 8-ந்தேதி வரை என்ஜினீயரிங் பராமரிப்பு பணிகள் நடைபெறுகிறது. இதையொட்டி ரயில் போக்குவரத்தில் மாற்றம் செய்யப்பட்டு உள்ளது".
"ஈரோடு -செங்கோட்டை எக்ஸ்பிரஸ் (வண்டி எண் -16845) ரயில் இன்று (புதன்கிழமை) முதல் அக்டோபர் மாதம் 7-ந்தேதி வரை திண்டுக்கல் -செங்கோட்டை இடையே பகுதியாக ரத்து செய்யப்படுகிறது".
"மறுமார்க்கத்தில் செங்கோட்டை -ஈரோடு எக்ஸ்பிரஸ் (வண்டி எண்- 16846) 19-ந்தேதி முதல் 8-ந்தேதி வரை செங்கோட்டை -திண்டுக்கல் வரை பகுதியாக ரத்து செய்யப்பட்டு உள்ளது".
ட்விட்டர் அஞ்சல்
Twitter Post
Fixed Time Corridor blocks have been approved for September, 2024 for facilitating engineering works between Kudalnagar and Samayanallur,
— Southern Railway (@GMSRailway) September 17, 2024
Madurai and Kudalnagar, Madurai and Dindigul upline from 19th September to 08th October, 2024.#SouthernRailway pic.twitter.com/IFzzD4CUUo
ரயில் தடங்கள்
ரயில் தடங்களில் மாற்றம்
செங்கோட்டை -மயிலாடுதுறை எக்ஸ்பிரஸ் (வண்டி எண் -16848) நாளை முதல் 7-ந்தேதி வரை விருதுநகரில் இருந்து மானாமதுரை, காரைக்குடி, திருச்சி வழியாக இயக்கப்படும்.
கள்ளிகுடி, திருமங்கலம், திருப்பரங்குன்றம், மதுரை, கொடைக்கானல் ரோடு, திண்டுக்கல், வடமதுரை, வையம்பட்டி, மணப்பாறை ஆகிய ஊர்களுக்கு போகாது.
குருவாயூர் -சென்னை எழும்பூர் எக்ஸ்பிரஸ் (வண்டி எண் 16128) வருகிற 23-ந்தேதி, 25, 26, 27-ந்தேதி மற்றும் அக்டோபர் மாதம் 2, 3-ந்தேதிகளில் விருதுநகரில் இருந்து மானாமதுரை, காரைக்குடி வழியாக இயக்கப்படும்.
நாகர்கோவில் -மும்பை எக்ஸ்பிரஸ் (16352) வருகிற 26-ந்தேதி மற்றும் அக்டோபர் 3-ந்தேதி ஆகிய இரு நாட்கள் விருதுநகரில் இருந்து மானாமதுரை, காரைக்குடி, திருச்சி வழியாக இயக்கப்படும்.