கலால் கொள்கை வழக்கு: டெல்லி முதல்வர் அரவிந்த் கெஜ்ரிவாலை கைது செய்த சிபிஐ
மதுபானக் கொள்கை வழக்கில் டெல்லி முதல்வரும் ஆம் ஆத்மி கட்சியின் தேசிய ஒருங்கிணைப்பாளருமான அரவிந்த் கெஜ்ரிவாலை மத்திய புலனாய்வுப் பிரிவு(சிபிஐ) புதன்கிழமை கைது செய்தது. டெல்லியின் ரோஸ் அவென்யூ நீதிமன்றத்தில் ஆம் ஆத்மி தலைவரை ஆஜர்படுத்திய CBI, 'மக்களவைத் தேர்தலுக்கு முன்பே இந்த பயிற்சியைச் செய்திருக்கலாம், ஆனால் அது செய்யவில்லை' என்று கூறியது. திகார் சிறையில் உள்ள அரவிந்த் கெஜ்ரிவாலை, சிபிஐ செவ்வாய்கிழமை விசாரித்து, கலால் கொள்கை வழக்கு தொடர்பான அவரது வாக்குமூலத்தை பதிவு செய்தது. மறுபுறம், மதுபான கலால் கொள்கையுடன் தொடர்புடைய பணமோசடி வழக்கில் தனது ஜாமீனுக்கு இடைக்காலத் தடை விதித்த டெல்லி உயர் நீதிமன்ற உத்தரவை எதிர்த்து கெஜ்ரிவால் தாக்கல் செய்த மனுவை உச்சநீதிமன்றம் புதன்கிழமை விசாரிக்கிறது.
உயர்நீதிமன்றத்தால் நிறுத்திவைக்கப்பட்ட ஜாமீன் உத்தரவு
முன்னதாக விசாரணை நீதிமன்றம் பிறப்பித்த கெஜ்ரிவாலின் ஜாமீன் உத்தரவை டெல்லி உயர் நீதிமன்றம் நேற்று நிறுத்தி வைத்தது. 'விசாரணை நீதிமன்றம் பணமோசடி தடுப்புச் சட்டத்தின் (பிஎம்எல்ஏ) பிரிவு 45 இன் இரட்டை நிபந்தனைகளை நிறைவேற்றுவதில் ED-யின் கருத்தை பதிவு செய்திருக்க வேண்டும்' என்றும் கருத்து தெரிவித்தது. முன்னதாக தேர்தல் பிரச்சாரத்திற்காக உச்ச நீதிமன்றம் வழங்கிய இடைக்கால ஜாமீன் தவிர, மார்ச் 21 முதல் கெஜ்ரிவால் காவலில் வைக்கப்பட்டுள்ளார். டெல்லியின் இப்போது நீக்கப்பட்ட 2021-22 கலால் கொள்கையில் முறைகேடுகள் நடந்ததாகக் கூறப்படும் வழக்கின் ஜாமீன் மனு மீதான விசாரணை உச்ச நீதிமன்றத்தில் நடைபெற உள்ள நிலையில், டெல்லி முதலவர் அரவிந்த் கெஜ்ரிவாலை தற்போது சிபிஐ கைது செய்துள்ளது.
