காதலி தூக்குபோட்டு உயிரிழந்ததை வீடியோ காலில் பார்த்து ரசித்த காதலன்
தமிழ்நாடு, நாகபட்டினம் மாவட்டம் திருவெண்காடு அருகிலுள்ள மருதூர் பகுதியினை சேர்ந்தவர் அர்ச்சனா(வயது24). இவர் திருவாரூர் மாவட்டம் நன்னிலம் எழில் நகரில் உள்ள அன்னபூர்ணா பைனான்ஸ் என்னும் தனியார் நிதி நிறுவனத்தில் வேலை பார்த்து வந்துள்ளார். கடந்த 12ம்தேதியன்று வேலைக்கு சென்ற இவர் மதியஉணவு நேரத்திற்கு அரைமணி நேரத்திற்கு முன்னதாக வயிற்றுவலி என்று கூறி வீட்டிற்கு சென்றுள்ளார். பின்னர் அவரின் தோழி உணவு இடைவெளிக்காக வந்து பார்த்தப்பொழுது அர்ச்சனா வீட்டில் மின்விசிறியில் தூக்கிட்டு தற்கொலை செய்துகொண்டுள்ளார். இதுகுறித்து நன்னிலம் காவல்துறைக்கு தகவல் அளிக்கப்பட்டதன் பேரில், அவர்கள் அர்ச்சனா உடலை கைப்பற்றி பிரேத பரிசோதனைக்கு அனுப்பிவைத்தனர். அதனையடுத்து அர்ச்சனாவின் போனை கைப்பற்றிய போலீசார் விசாரணையினை துவங்கியுள்ளனர். அதில் அர்ச்சனா சத்தியராஜ்(26) என்பவரை காதலித்து வந்தது தெரியவந்துள்ளது.
விசாரணையில் வெளியான அதிர்ச்சி தகவல்
இவர்கள் இருவரும் 2 ஆண்டுகளாக காதலித்து வந்துள்ளார்கள். இதற்கு இடையில், சத்யராஜுக்கு அவருடைய உறவினர் பெண்ணுடன் மற்றொரு காதல் ஏற்பட்டுள்ளது. இதுகுறித்து அர்ச்சனாவுக்கு சந்தேகம் வந்ததன் பேரில், அவர்களுக்குள் அடிக்கடி சண்டை வந்துள்ளது. சம்பவத்தினத்தன்றும் தான் தூக்கு போட்டு கொள்வதற்கு முன்னர் 45 நிமிடங்கள் சத்தியராஜுடன் போனில் பேசியுள்ளார். அந்த உரையாடலில் நீ தொலைந்துவிடு எனக்கூறிய சத்யராஜ் வீடியோ காலில் வரும்படி வற்புறுத்தியுள்ளார். அதனை தொடர்ந்து வீடியோ காலில் அர்ச்சனா தூக்குபோட்டு கொள்வதை பார்த்து ரசித்துள்ளார். மேலும் தூக்கு மாட்டிக்கொள்வதற்கு முன்னர் எனக்கு டாடா காட்டு என்று ஈவு இறக்கம் இன்றி கூறியுள்ளார். இதனை கண்டறிந்த போலீசார் தற்போது சத்தியராஜை கைது செய்துள்ளனர்.
இந்த காலவரிசையைப் பகிரவும்