தேர்தல் பிரச்சாரத்தின் போது பாஜக வேட்பாளர் ஒருவர் ஒரு பெண்ணை முத்தமிட்டதால் பரபரப்பு
மேற்கு வங்க மாநிலம் மால்டா உத்தர் தொகுதியின் பாரதிய ஜனதா கட்சி(பாஜக) வேட்பாளர் காகன் முர்மு தேர்தல் பிரச்சாரத்தின் போது ஒரு பெண்ணின் கன்னங்களில் முத்தமிட்ட சம்பவம் பரபரப்பை ஏற்படுத்தியுள்ளது. இந்த சம்பவத்தின் படங்கள் வைரலாக பரவி வருகிறது. மேற்கு வங்கத்தில் உள்ள சஞ்சலின் ஸ்ரீஹிபூர் கிராமத்தில் காகன் முர்மு திங்கள்கிழமை பிரச்சாரம் செய்தபோது இந்த சம்பவம் நிகழ்ந்தது. இந்த சம்பத்திற்கு கண்டனம் தெரிவித்திருக்கும் ஆளும் திரிணாமுல் காங்கிரஸ் கட்சி, "மல்யுத்த வீரர்களை பாலியல் ரீதியாக துன்புறுத்தும் எம்.பி.க்கள் முதல், பெங்காலி பெண்களைப் பற்றி ஆபாசமான பாடல்களை உருவாக்கும் தலைவர்கள் வரை, பாஜக முகாமில் பெண்களுக்கு எதிரான அரசியல்வாதிகளுக்கு பஞ்சமில்லை." என்று கூறியுள்ளது.
