உத்தரப்பிரேதேசத்தில் கழிவுகளால் உருவாக்கப்பட்ட உலகிலேயே மிகப்பெரிய வீணை
செய்தி முன்னோட்டம்
உத்தரப்பிரதேசம், போபால் மாவட்டத்தில் உள்ள ஒரு கைவினை கலைஞர் குழு வாகனக் கழிவுகளை கொண்டு உலகிலேயே மிக பெரிய வீணையை உருவாக்கியுள்ளார்கள்.
15 கலைஞர்கள் கொண்ட குழு இந்த 'ருத்ர வீணை' உருவாக்கும் பணியில் 6 மாதங்களாக ஈடுபட்டு வந்துள்ளார்கள். 28 அடி நீளமும், 10 அடி அகலமும், 12 அடி உயரமும் கொண்டுள்ள இந்த ருத்ர வீணை முழுக்க முழுக்க கம்பிகள், சங்கிலிகள், கியர்கள் போன்ற வாகன கழிவுகளை கொண்டே உருவாகியுள்ளது.
5 டன் எடை கொண்ட இந்த வீணையை உருவாக்க ரூ.10 லட்சம் வரை செலவாகியுள்ளது என்று தகவல்கள் தெரிவிக்கிறது.
மேலும், உலகிலேயே இது தான் மிக பெரிய 'ருத்ர வீணை' என்று இதனை உருவாக்கியவர்கள் தெரிவித்துள்ளது குறிப்பிடத்தக்கது.
பொதுமக்கள் பார்வைக்கு வைக்கப்படும்
இந்திய கலாச்சாரம் குறித்து அறிந்துக்கொள்ள ஓர் முயற்சி
இந்த வீணையை உருவாக்கிய கலைஞர்களுள் ஒருவரான பவன் தேஷ்பாண்டே ஓர் செய்தி நிறுவனத்திடம் கூறுகையில், "இந்த வீணையானது 'கபாட் சே கஞ்சான்' என்ற தீம் கொண்டு அமைக்கப்பட்டுள்ளது.
இளையத்தலைமுறையினர் இந்திய கலாசாரம் குறித்து தெரிந்து கொள்ள வேண்டும் என்பதால், இந்திய கருப்பொருளில் வேலை செய்ய நினைத்து தான் தனித்துவமான 'ருத்ர வீணையை' நாங்கள் உருவாக்கியுள்ளோம்" என்று கூறியுள்ளார்.
இந்த வீணை பொதுமக்கள் பார்வைக்காக நகரின் முக்கிய இடத்தில் ஒளி விளக்குகள் பொருத்தப்பட்டு பார்வைக்கு வைக்கப்படும் என்றும் அவர் கூறியது குறிப்பிடத்தக்கது.