புதுக்கோட்டை அருகே நாட்டு வெடி தயாரிக்கும் தொழிற்சாலையில் வெடி விபத்து
செய்தி முன்னோட்டம்
தமிழ்நாடு,புதுக்கோட்டை மாவட்டம் வெள்ளனூர்-பூங்கோடி கிராமத்தில் நாட்டு வெடிப்பொருட்கள் தயாரிக்கும் தொழிற்சாலை ஒன்று கடந்த 10 வருடங்களாக செயல்பட்டு வருகிறது.
வைரமணி என்பவர் அனைத்து உரிமங்களையும் பெற்று இதனை குடிசைத்தொழிலாக செய்து வருகிறார் என்று கூறப்படுகிறது.
இந்நிலையில் இன்று(ஜூலை.,30)5க்கும் மேற்பட்டோர் வெடித்தயாரிக்கும் பணியில் ஈடுபட்டிருந்துள்ளனர்.
அப்போது மேலே சென்றுக்கொண்டிருந்த உயர் மின்னழுத்தக்கம்பிகள் காற்றில் ஒன்றோடு ஒன்று உரசியதில் தீப்பொறி ஏற்பட்டுள்ளது.
அந்த தீப்பொறி அடுக்கி வைத்திருந்த வெடிகள் மீது பட்டு ஏற்பட்ட விபத்தில் தொழிற்சாலை தரை மட்டமானது.
விபத்து குறித்து தகவலளிக்கப்பட்டதன் பேரில், விரைந்து வந்த தீயணைப்பு துறையினர் தீயினை அணைத்தனர்.
இந்த விபத்தில் தொழிற்சாலையின் உரிமையாளர் உட்பட 6 பேர் படுகாயமடைந்தனர்.
அவர்களை மீட்டெடுத்து புதுக்கோட்டை அரசு மருத்துவமனையில் அனுமதித்துள்ளனர் என்பது குறிப்பிடத்தக்கது.
ட்விட்டர் அஞ்சல்
வெடி விபத்து
#JUSTIN | நாட்டு வெடி தயாரிக்கும் பட்டறையில் தீ விபத்து: 6 பேர் காயம்!#SunNews | #Pudukkottai pic.twitter.com/fXv5sZZc54
— Sun News (@sunnewstamil) July 30, 2023