தேயிலை தோட்ட தொழிலாளர்களுக்கு 20% போனஸ் - தமிழக முதல்வர் அறிவிப்பு
செய்தி முன்னோட்டம்
தமிழ்நாடு மாநில தேயிலை தோட்ட தொழிலாளர்களுக்கு தமிழக முதல்வர் மு.க.ஸ்டாலின் 20%தீபாவளி போனஸ் வழங்க உத்தரவு பிறப்பித்துள்ளார்.
அதனைத்தொடர்ந்து, தனியார் தேயிலை தோட்ட தொழிலாளர்களின் தினக்கூலிக்கு இணையாக தமிழ்நாடு தேயிலை தோட்ட கழக தொழிலாளர்களுக்கும் திருத்தியமைக்கப்பட்ட தினக்கூலியாக தினமும் ரூ.438 வழங்கிடக்கூறி உத்தரவிட்டுள்ளார்.
மேலும் அதனை உடனே நடைமுறைக்கு கொண்டுவர வேண்டும் என்றும் அவர் வலியுறுத்தி உத்தரவினை பிறப்பித்துள்ளார் என்று செய்திகள் வெளியாகியுள்ளன.
மேலும் TANTEA-தொழிலாளர்களுக்கு 7வது-ஊதியக்குழு பரிந்துரைப்படி திருத்திய ஊதிய விகிதங்கள் அமல்படுத்த கோரி வெளியிடப்பட்ட ஆணைகள் நடைமுறைப்படுத்தாமல் இருந்த நிலையில் அதனை உடனடியாக நடைமுறைப்படுத்தி திருத்திய ஊதிய விகிதங்களை நிலுவைத்தொகையுடன் சேர்த்து வழங்கவும் அவர் ஆணை பிறப்பித்துள்ளார்.
இதன்மூலம் TANTEAக்கு கூடுதலாக ரூ.12.78 கோடி செலவீனம் ஏற்படும் என்று கூறப்படுகிறது.
ட்விட்டர் அஞ்சல்
20% போனஸ் குறித்த அறிக்கை
தமிழ்நாடு தேயிலைத் தோட்டக் கழகத் தொழிலாளர்களுக்கு திருத்தியமைக்கப்பட்ட தினக்கூலி, ஏழாவது ஊதியக்குழுவின் திருத்திய ஊதிய விகிதம் மற்றும் 20% போனஸ் வழங்கிட மாண்புமிகு தமிழ்நாடு முதலமைச்சர் திரு.மு.க.ஸ்டாலின் அவர்கள் உத்தரவு#CMMKSTALIN #TNDIPR@CMOTamilnadu @mkstalin@mp_saminathan pic.twitter.com/JhCgUzYSM2
— TN DIPR (@TNDIPRNEWS) November 8, 2023