உத்தரபிரதேசத்தில் 91.43% மதிப்பெண் எடுத்தும் தேர்ச்சி பெறாத 10ம் வகுப்பு மாணவி
செய்தி முன்னோட்டம்
இந்தியாவின் உத்தரப்பிரதேசம் மாநிலத்தில் 10 மற்றும் 12ம்வகுப்பு வாரிய தேர்வு முடிவுகள் நேற்று முன்தினம் வெளியாகியுள்ளது.
அதில், அமேதி நகரிலுள்ள பாதர் பகுதியினை சேர்ந்த பாவனா வர்மா என்னும் மாணவியும் ஒருவராவார்.
அவர் எழுதிய 10ம்வகுப்பு தேர்வில் 91.43%மதிப்பெண் எடுத்துள்ள நிலையிலும் அவர் தேர்ச்சி பெறவில்லை என்னும் வினோதத்தகவல் ஒன்று பரவலாக பரவியது.
இதுகுறித்து ஆராய்ந்தப்பொழுது, உத்தரப்பிரதேச வாரியத்தின் அலட்சிய போக்கால் செய்முறை தேர்வு அனைத்திலும் இவர் வெறும் 3 மதிப்பெண்களே பெற்றுள்ளார் என்னும் அதிர்ச்சி தகவல் வெளியாகியுள்ளது.
அந்த மாணவி 70 மதிப்பெண்களுக்கான எழுத்து தேர்வில் இந்தியில் 65 மதிப்பெண்களும், ஆங்கிலம், கணிதம் மற்றும் சமூக அறிவியல் பாடங்களில் 67 மதிப்பெண்களும், சமஸ்கிருதத்தில் 66 மதிப்பெண்களும், அறிவியலில் 52 மதிப்பெண்களும் பெற்றுள்ளார்.
மாணவி
தேர்ச்சி பெற முடியவில்லை என்னும் வேதனையில் மாணவி
அதன்படி மொத்தம் 420 மதிப்பெண்களுக்கு 384 மதிப்பெண்களை அந்த மாணவி பெற்றுள்ளார். இதனால் அவரது தேர்ச்சி விகிதம் 91.43%ஆக உள்ளது.
இது குறித்து பாவனா கூறுகையில், செய்முறை தேர்ச்சியில் 30க்கு 30 என மதிப்பெண்கள் அனைத்து பாடங்களுக்கும் பள்ளியிலிருந்து வழங்கப்பட்டு விட்டது.
ஆனால் மதிப்பெண் சான்றிதழில் ஒவ்வொரு பாடத்திலும் 3 மதிப்பெண்களே பெற்றுள்ளேன்.
இதனால் தேர்ச்சி பெற முடியாமல் போனது பெரும் வேதனையினை அளிக்கிறது என்று கூறியுள்ளார்.
பாவனா ஒருவேளை செய்முறை பயிற்சி தேர்வில் மொத்தம் 18 மதிப்பெண்களுக்கு பதிலாக 180 மதிப்பெண்கள் எடுத்திருந்தால் அவருக்கு 600 மதிப்பெண்களுக்கு 564 மதிப்பெண்கள் அதாவது 94% கிடைத்து இருக்கும்.
அவர் மாவட்ட பட்டியலில் டாப் 10 வரிசையில் வந்திருப்பார் என்பது குறிப்பிடத்தக்கது.