ஜோராக நடந்த விஜய் டிவி விஜே பிரியங்காவின் வளைகாப்பு: இணையத்தில் வைரலாகும் க்யூட் புகைப்படங்கள்
செய்தி முன்னோட்டம்
விஜய் தொலைக்காட்சியின் முன்னணித் தொகுப்பாளினி விஜே பிரியங்கா தேஷ்பாண்டேவுக்கு குடும்பத்தினர் முன்னிலையில் வளைகாப்பு விழா இனிதே நடைபெற்றது. நடப்பாண்டு ஜூன் மாதம் தான் கர்ப்பமாக இருப்பதை அறிவித்திருந்த பிரியங்காவுக்கு, தற்போது 5 மாத நிறைவில் எளிமையாக வளைகாப்பு நடத்தப்பட்டது. பிரியங்காவின் வளைகாப்புப் புகைப்படங்கள் இணையத்தில் வைரலாகி வர, விரைவில் மழலைச் சத்தம் கேட்கவுள்ள அவருக்கு ரசிகர்களும் சின்னத்திரை பிரபலங்களும் வாழ்த்துகளைக் குவித்து வருகின்றனர்.
மறுமணம்
துயரங்களைத் தாண்டி மலர்ந்த புதிய வாழ்க்கை
தனது எனர்ஜியான கலகலப்பான பேச்சால் பட்டிதொட்டியெங்கும் ரசிகர்களை ஈர்த்த பிரியங்கா தேஷ்பாண்டே, பிக் பாஸ் உள்ளிட்ட பல்வேறு ஹிட் நிகழ்ச்சிகளின் மூலமும் மக்கள் மனதில் நீங்கா இடம் பிடித்தவர்.
சின்னத்திரையில் அசுர வளர்ச்சி கண்டாலும், நிஜ வாழ்க்கையில் பல வலிகளை அவர் எதிர்கொண்டார்.
கடந்த 2016-ஆம் ஆண்டு பிரவீன் குமார் என்பவரைக் காதலித்து திருமணம் செய்துகொண்ட பிரியங்கா, கருத்து வேறுபாடு காரணமாக 2022-ல் அவரை விவாகரத்து செய்தார்.
அந்தத் தனிப்பட்ட மன அழுத்தத்திலிருந்து மீண்டு வந்து தனது பணியைத் தொடர்ந்த அவர், கடந்த ஆண்டு வசி என்பவரை மறுமணம் செய்துகொண்டு தனது புதிய வாழ்க்கையை உற்சாகமாகத் தொடங்கினார்.
5 மாத கர்ப்பம்
எளிய முறையில் வளைகாப்பு
இதனைத் தொடர்ந்து நடப்பு ஆண்டின் ஜூன் மாதம், தான் கர்ப்பமாக இருக்கும் மகிழ்ச்சியான செய்தியை நடனமாடி காணொளி வாயிலாக ரசிகர்களுடன் பகிர்ந்திருந்தார்.
மிக நெருங்கிய சொந்தங்கள் மட்டுமே கலந்துகொண்டு வாழ்த்திய இந்த மங்களகரமான விழாவின் புகைப்படங்களை ரசிகர்கள் கொண்டாடி வருகின்றனர்.
விரைவில் பிரியங்காவின் இல்லத்தில் மழலைச் சத்தம் கேட்கப்போகும் நன்னாளை எதிர்நோக்கி, சின்னத்திரை உலகினரும் ரசிகர்களும் அவருக்குத் தங்களது வாழ்த்துகளைத் தொடர்ந்து தெரிவித்து வருகின்றனர்.