குக் வித் கோமாளியில் தொடரும் வெளிநடப்புகள்; அடுத்த சீசன் நடக்குமா என சந்தேகம்
விஜய் டிவியின் பிரபல ரியாலிட்டி சமையல் நிகழ்ச்சியான குக் வித் கோமாளி நிகழ்ச்சியிலிருந்து, அதன் பிரபல நடுவார்களான செஃப் தாமுவும், செஃப் வெங்கடேஷ் பட் இருவரும், இனி அந்த நிகழ்ச்சியில் தொடரப்போவதில்லை என அறிவித்தனர். வேறொரு புதிய தளத்தில், புதிய நிகழ்ச்சியில் இருவரும் ஒன்றிணையப்போவதாக வெங்கடேஷ் பட் தெரிவித்திருந்தார். இந்த நிலையில், குக் வித் கோமாளி உட்பட பல விஜய் டிவியின் பல ஹிட் நிகழ்ச்சிகளைக் தயாரித்து வந்த 'Media Masons' நிறுவனமும் அதிலிருந்து விலகப்போவதாக தெரிவிக்கப்பட்டுள்ளது. இதனை, மீடியா மேசன்ஸ்-இன் நிர்வாக இயக்குனர்களுள் ஒருவரான ராஃபூஃபா அவருடைய இன்ஸ்டாகிராம் பக்கத்தில் தெரிவித்துள்ளார். அதே நேரத்தில், இந்நிகழ்ச்சியின் இயக்குனர் பார்த்திபனும், நிகழ்ச்சியை விட்டு வெளியேறுவதாக தெரிவித்திருப்பது ரசிகர்களை அதிர்ச்சி அடைய செய்துள்ளது.
