விஜய் ஆண்டனியின் 'பிச்சைக்காரன் 2' வரும் ஏப்ரல் 14 வெளியாகிறது
இசையமைப்பாளரும் நடிகருமான விஜய் ஆண்டனி நடிப்பில் உருவாகி வரும், 'பிச்சைக்காரன் 2' திரைப்படத்தின் படப்பிடிப்பு நிறைவடைந்து, ரிலீஸ்க்கு தயாராகி விட்டது. வரும் ஏப்ரல் 14 அன்று திரையரங்குகளில் வெளியாகும் என அறிவித்தது படக்குழு. ஏற்கனவே படத்தின் முதல் நான்கு நிமிடங்களை 'கிலிம்ப்ஸ்' வடிவில் சமீபத்தில் வெளியானது. 'பிச்சைக்காரன் 2' படத்தின் மூலம் இயக்குனர் அவதாரம் எடுக்கிறார் விஜய் ஆண்டனி. இந்த படத்தின் ஷூட்டிங் போது விஜய் ஆண்டனி பெரும் விபத்தை சந்தித்தார். மலேசியாவில் நடைபெற்ற சண்டைக்காட்சியில் இந்த விபத்து நிகழ்ந்ததாக கூறப்படுகிறது. இந்த படத்தில், விஜய் ஆண்டனி, ஜான் விஜய் மற்றும் ஹரீஷ் பரேடி உள்ளிட்ட பலர் நடித்துள்ளனர். இத்திரைப்படம், தமிழ் மற்றும் தெலுங்கில் வெளியாகிறது. படத்திற்கு இசையமைப்பதும் விஜய் ஆண்டனி தான்.
