யுவன், அனிருத் குரலில், சரத்குமார் நடிக்கும் 'பரம்பொருள்' ப்ரோமோ பாடல் வெளியானது
இயக்குனர் சி.அரவிந்த் ராஜ் இயக்கத்தில் நடிகர் சரத்குமார், அமிதாஷ் பிரதான், காஷ்மிரா பர்தேசி, பாலாஜி சக்திவேல் உள்ளிட்ட பலர் நடித்துள்ள திரைப்படம் 'பரம்பொருள்'. எஸ்.பாண்டிய குமார் ஒளிப்பதிவு செய்துள்ள இப்படத்திற்கு, யுவன் ஷங்கர் ராஜா இசையமைத்துள்ளார். கவி கிரியேஷன்ஸ் என்னும் தயாரிப்பு நிறுவனம் தயாரிக்கும் இப்படம் சிலை கடத்தலினை மையமாக வைத்து த்ரில்லர் படமாக எடுக்கப்பட்டுள்ளதாக கூறப்படுகிறது. இதில் சரத்குமார் காவல்துறை அதிகாரியாக நடித்துள்ளார் என்னும் தகவல் இப்படம் மீதான எதிர்பார்ப்பினை அதிகரித்துள்ளது. விரைவில் இப்படம் வெளியாகவுள்ள நிலையில், யுவன் இசையில் முதன்முறையாக அனிருத் ரவிச்சந்தர் பாடிய 'அடியாத்தி' என்னும் ப்ரோமோ பாடல், தற்போது இணையத்தில் ட்ரெண்ட் ஆகி வருகிறது.