ஜி.வி.பிரகாஷ் நடித்துள்ள 'கள்வன்' டீசரை வெளியிட்டார் சூர்யா
திரைப்பட கதாநாயகனும், தேசிய விருது வென்ற பிரபல இசையமைப்பாளருமான ஜி.வி. பிரகாஷின் அடுத்த ரிலீசான, கள்வன் திரைப்படத்தின் டீசரை, நடிகர் சூர்யா வெளியிட்டார். ஆக்சஸ் பிலிம் பேக்டரி தயாரிக்கும் இப்படத்தை, அறிமுக இயக்குனர், பி.வி.ஷங்கர் இயக்குகிறார். இப்படத்தில், பிரகாஷுக்கு ஜோடியாக 'லவ் டுடே' புகழ் இவானா நடிக்கிறார். இவர் ஏற்கனவே 'நாச்சியார்' படத்தில் பிரகாஷுடன் இணைந்து நடித்துள்ளார். 'இயக்குனர் இமயம்' பாரதிராஜாவும் ஒரு முக்கிய கதாபாத்திரத்தில் நடித்துள்ளார். சமீபத்தில், கள்வன் படத்தின் மோஷன் போஸ்டர் வெளியானது. வெளியானதும் அந்த போஸ்டர் ரசிகர்களிடத்தில் வைரல் ஆனது. தற்போது அதை தொடர்ந்து, இன்று மாலை, இப்படத்தின் டீஸர் வெளியானது.
