இந்த வாரம் திரையரங்குகளில் வெளியாக போகும் படங்களின் பட்டியல்
செய்தி முன்னோட்டம்
இந்த வாரம் தமிழில் பல படங்கள் திரைக்கு வரவிருக்கிறது. பிரபுதேவாவின் பகீரா முதல், பிரித்விராஜின் கடுவா வரை இந்த வாரம் வெளியாகவுள்ள படங்களின் பட்டியல் இதோ:
பகீரா: பிரபுதேவா நடிப்பில், ஆதிக் ரவிச்சந்திரன் இயக்கியுள்ள படம் பகீரா. இந்த படத்தில், 10-க்கும் மேற்பட்ட கெட்டப்களில் தோன்றுகிறார் பிரபுதேவா. சமீபத்தில் வெளியான படத்தின் சிங்கிள் இணையத்தில் வைரலாகி வருகிறது. மார்ச் 3 வெளியாகும் இந்த படத்தில், அமைரா தஸ்தூர், ஜனனி, காயத்ரி என 6 ஹீரோயின்கள் நடித்துள்ளனர்.
அயோத்தி: மந்திரமூர்த்தி இயக்கத்தில், சசிகுமார் நடித்துள்ள இந்த படம் உண்மை சம்பவத்தை அடிப்படையாக கொண்டு எடுக்கப்பட்டது. இப்படத்தில் யஷ்பால் சர்மா, ப்ரீத்தி அஸ்ரானி, புகழ் உள்ளிட்டோர் நடித்துள்ளனர். இந்த படமும் 3-ம் தேதி வெளியாகவுள்ளது.
தமிழ் திரைப்படம்
புதுமுக நாயகன் நடிக்கும் அரியவன்
அரியவன்: மித்ரன் ஜவஹர் இயக்கத்தில் புதுமுகங்கள் நடிக்கும் திரில்லர் படம் இது. ஆனால் இந்த படத்தை தான் இயக்கவில்லை, தனது அசிஸ்டன்ட் தான் இயக்கியுள்ளார் என மித்ரன் கூறி வருகிறார்.இந்த படம் இரு தினங்களில் வெளியாக போகிறது. இந்த படத்தில் புதுமுக நாயகனை தவிர, டேனியல் பாலாஜி, சத்யன் முக்கிய வேடங்களில் நடித்துள்ளனர்.
பல்லு படமா பாத்துக்க: 'அட்டகத்தி' தினேஷ் நடிப்பில், இயக்குனர் விஜய் வரதராஜ் இயக்கம் இந்தப் படத்தில் சஞ்சிதா ஷெட்டி, மொட்ட ராஜேந்திரன் என பலர் நடித்துள்ளனர். இந்த அடல்ட் ஹுயுமர் திரைப்படமும், மார்ச் 3-ம் தேதி வெளியாகவுள்ளது.
கடுவா: சென்ற ஆண்டு மலையாளத்தில் வெளியாகி பெரும் வெற்றி பெற்ற இந்த திரைப்படம், தமிழில் டப்பிங் செய்யப்பட்டு தற்போது வெளியாகவிருக்கிறது.