சூப்பர்ஸ்டார் ரஜினிகாந்தின் கூலி படத்தின் 'சிக்கிட்டு' பாடல் வீடியோ வெளியானது
செய்தி முன்னோட்டம்
சூப்பர் ஸ்டார் ரஜினிகாந்த் நடிப்பில் உருவாகியுள்ள 'கூலி' திரைப்படத்தின் முதல் பாடலான 'சிக்கிட்டு வைப்' (chikittu vibe) ரசிகர்களிடம் பெரும் வரவேற்பை பெற்றுள்ளது. முன்னதாக வெறும் 0.56 நொடிகள் மட்டுமே வெளியான இந்த பாடலின் வீடியோ, தற்போது முழு வீடியோவாக இன்று மாலை வெளியாகியுள்ளது. 'கூலி' படத்தை லோகேஷ் கனகராஜ் இயக்கியுள்ளார். அனிருத் இசையமைப்பில் உருவாகியுள்ள இந்த திரைப்படம், வரும் ஆகஸ்ட் 14ஆம் தேதி திரையரங்குகளில் வெளியாகவுள்ளது. தற்போது படம் இறுதிக்கட்ட பணிகளில் உள்ள நிலையில், கடந்த சில வாரங்களாகவே படத்தின் முதல் பாடல் குறித்த தகவல்கள் கசிந்த நிலையில் இன்று அறிவிப்பு வெளியாகியுள்ளது.
ட்விட்டர் அஞ்சல்
Twitter Post
Coolie Varaan sollikko..!😎 #Chikitu Music Video is out now!#GetChikitufied 📣💥
— Sun Pictures (@sunpictures) June 25, 2025
▶️ https://t.co/eeQaA8RWor#Coolie releasing worldwide August 14th @rajinikanth @Dir_Lokesh @anirudhofficial #TRajendar @iamnagarjuna @nimmaupendra #SathyaRaj #SoubinShahir @shrutihaasan… pic.twitter.com/DuG44VlJtg
விவரங்கள்
கூலி படத்தின் விவரங்கள்
ரஜினிகாந்த்-அனிருத் கூட்டணியில் இதுவரை வெளியான 'பேட்ட', 'தர்பார்', 'ஜெயிலர்' போன்ற படங்களின் பாடல்கள் அனைத்தும் பெரிய வரவேற்பைப் பெற்றிருந்த நிலையில்,'கூலி' திரைப்படத்தின் பாடல்களும் அந்த வரிசையில் இடம் பெறும் என எதிர்பார்க்கப்படுகிறது. 'கூலி' திரைப்படத்தில் ரஜினிகாந்துடன் நாகார்ஜுனா, அமீர் கான், சத்யராஜ், ஸ்ருதிஹாசன் உள்ளிட்ட பிரபலங்கள் முக்கிய கதாபாத்திரங்களில் நடித்துள்ளனர். 'கூலி' திரைப்படம் குறித்து தமிழ் ரசிகர்களிடையே மட்டுமின்றி, இந்திய அளவில் பெரும் எதிர்பார்ப்பை ஏற்படுத்தியுள்ளது. இப்படத்தை சன் பிக்ச்சர்ஸ் நிறுவனம் தயாரித்துள்ளது.