சந்திரயான் வெற்றிக் கதையை இனி ஓடிடியில் பார்க்கலாம்; இஸ்ரோ விஞ்ஞானிகளின் போராட்டத்தைப் பேசும் 'ஸ்பேஸ் ஜென்' ஜியோஹாட்ஸ்டாரில் ஸ்ட்ரீமிங்
செய்தி முன்னோட்டம்
இந்தியாவின் நிலவுப் பயணமான சந்திரயான் திட்டத்தின் பின்னணியில் உள்ள விஞ்ஞானிகளின் கடின உழைப்பையும், அர்ப்பணிப்பையும் விவரிக்கும் 'ஸ்பேஸ் ஜென்: சந்திரயான்' (Space Gen: Chandrayaan) என்ற வரலாற்றுத் தொடர் தற்போது வெளியாகியுள்ளது. ஜியோஹாட்ஸ்டார் தளத்தில் கடந்த ஜனவரி 23, 2026 முதல் இந்தத் தொடர் ஸ்ட்ரீமிங் செய்யப்படுகிறது. சந்திரயான் 2 தோல்வியிலிருந்து மீண்டு வந்து, சந்திரயான் 3 திட்டத்தை வெற்றிபெறச் செய்த இஸ்ரோ விஞ்ஞானிகளின் பார்வையில் இந்தத் தொடர் உருவாக்கப்பட்டுள்ளது.
கதை
கதைக்களம் மற்றும் முக்கியக் கதாபாத்திரங்கள்
இந்தத் தொடர் நான்கு முக்கியமான கதாபாத்திரங்களை மையமாகக் கொண்டு நகர்கிறது: அர்ஜுன் வர்மா (நகுல் மேத்தா): கார்கில் போரில் தந்தையை இழந்த ஒரு இளம் இஸ்ரோ விஞ்ஞானி. எதையும் வெளிப்படையாகப் பேசும் குணம் கொண்டவர். யாமினி (ஸ்ரேயா சரண்): திட்ட இயக்குநராக நடித்துள்ளார். மிகுந்த பொறுமை மற்றும் கடமை உணர்வு கொண்ட ஒரு பெண்மணியாக இவர் சித்தரிக்கப்பட்டுள்ளார். சுதர்சன் ராமையா (பிரகாஷ் பெலவாடி): இஸ்ரோவின் புதிய தலைவராக, பல தடைகளையும் சவால்களையும் தாண்டி இந்தத் திட்டத்தை வழிநடத்துகிறார். மொஹந்தி (கோபால் தத்): நிதி மேலாண்மை, பட்ஜெட் மற்றும் பொது உறவுகளைக் கையாளும் ஒரு யதார்த்தமான கதாபாத்திரத்தில் நடித்துள்ளார்.
சிறப்பம்சங்கள்
தொடரின் சிறப்பம்சங்கள்
அனந்த் சிங் இயக்கத்தில், பிரபல டிவிஎஃப் (TVF) நிறுவனத்தின் தயாரிப்பில் இந்தத் தொடர் உருவாகியுள்ளது. சந்திரயான் 2 தோல்விக்குப்பிறகு இஸ்ரோ சந்திந்த புவிசார் அரசியல் அழுத்தங்கள், நிதி நெருக்கடிகள் மற்றும் தொழில்நுட்பத் தடைகளைத் தாண்டி, சந்திரயான் 3 எப்படிச் சாத்தியமானது என்பதை இந்தத் தொடர் அழுத்தமாகப் பதிவு செய்துள்ளது. உண்மைச் சம்பவங்களுடன் ஒரு டிராமாவைக் கலந்து விறுவிறுப்பாக இந்தத் தொடர் உருவாக்கப்பட்டுள்ளது.
எதிர்பார்ப்பு
தொழில்நுட்பக் குழு மற்றும் எதிர்பார்ப்பு
நிதின் ரா, டேனிஷ் சேட் உள்ளிட்ட பல நட்சத்திரங்கள் இதில் இணைந்து நடித்துள்ளனர். அருணாப் குமார் தலைமையிலான குழுவினர் இந்தக் கதையை எழுதியுள்ளனர். சமீபத்தில் வெளியானதால் இதற்கு இன்னும் மதிப்பீடுகள் வழங்கப்படவில்லை என்றாலும், இந்தியாவின் வரலாற்றுச் சாதனையைப் பேசும் தொடர் என்பதால் மக்களிடையே இதற்குப் பெரும் வரவேற்பு கிடைத்து வருகிறது.