நயன்தாரா மற்றும் சமந்தாவின் பளபளக்கும் சரும ரகசியம் வெளியாகியுள்ளது!
தமிழ் சினிமா மட்டுமின்றி இந்,திய சினிமாவிலும் புகழ் பெற்ற உச்ச நடிகைகளாக வலம் வருபவர்கள் நயன்தாராவும், சமந்தாவும். தமிழ், தெலுங்கு, ஹிந்தி என அனைத்து மொழிகளிலும் நடித்து வரும் இவர்கள், தங்கள் நடிப்பு திறமையால் மட்டுமின்றி, பிட்டான உடல் அமைப்பு, மற்றும் ஆரோக்கியமான பளபளக்கும் சருமம் என பலவகையில் ஒரு ரோல் மாடலாகவே வாழ்கிறார்கள். இவர்கள் இருவருக்குமே இருக்கும் ஒற்றுமை என்னவென்றால், வீட்டில் இருக்கும்போதும் சரி, போட்டோஷூட் போன்றவற்றில் பங்குபெறும் போதும் சரி, வெளி நிகழ்ச்சிகளில் கலந்து கொள்ளும் போதும் சரி, முடிந்த வரை குறைவான மேக்அப் தான் விரும்புகிறார்கள். சில நேரங்களில், மேக்அப்பே போடாமல் தான் பேட்டிகளுக்கு கூட வருகிறார்கள். காஸ்மெட்டிக் மேக்அப் பொருட்களை விரும்புவதும் இல்லை, விளம்பரம் செய்வதும் இல்லை.
இயற்கை பொருட்களை கொண்ட பேஸ் மாஸ்க்!
நயன்தாராவின் பூர்வீகம் கேரளா என்பதால், அவர் சிறுவயது முதலே, தனது தினசரி உணவில் தேங்காய் எண்ணையை சேர்த்து கொள்வாராம். அது மட்டுமின்றி, தேங்காய் எண்ணையை சருமத்திற்கும் பயன்படுத்துவாராம். இது சரும வறட்சியை தடுப்பது மட்டுமின்றி, கிருமிநாசினியாகவும் வேலை செய்கிறது. அதோடு, பழங்கள், தண்ணீர் மற்றும் சூப் வகைகளை அதிகமாக உட்கொள்வாராம். அது அவரது சருமத்திற்கு தேவையான ஊட்டத்தை தந்து, பளபளப்பாக வைக்கிறது. மறுபுறம், சமந்தா உடற்பயிற்சிகளில் கவனம் செலுத்துகிறார். அவர் தனது உணவிலும் கட்டுப்பாடோடு இருக்கிறார். ABC ஜூஸ், சூப் என சத்தான காய்கறிகளை விரும்பி உண்பாராம். வீட்டில் இருக்கும்போது, சந்தனம் பயன்படுத்தி பலவிதமான பேஸ்பேக்குகளை அவரே தயார் செய்து பூசிக்கொள்வாராம். சந்தனம், உடலுக்கு குளிர்ச்சியை தந்து, சருமத்தில் இருக்கும் கரும்புள்ளிகளை நீக்குகிறது.
இந்த காலவரிசையைப் பகிரவும்