ஜவானில் மிரட்டும் விஜய் சேதுபதி; ஷாருக்கான் வெளியிட்ட போஸ்டர்
பாலிவுட்டின் சூப்பர்ஸ்டார் ஷாருக்கான். அவர் தற்போது அட்லீயின் இயக்கத்தில் 'ஜவான்' திரைப்படத்தில் நடித்துள்ளார். இப்படத்தின் ட்ரைலர் சமீபத்தில் வெளியானது. அதில் இரு வித்யாசமான கெட்அப்களில் ஷாருக்கான் தோன்றுவது போல அமைந்திருந்தது. படத்தின் நாயகியாக நயன்தாரா நடிக்கிறார். மேலும் முக்கிய வேடத்தில் தீபிகா படுகோன் மற்றும் ப்ரியாமணி ஆகியோர் நடிக்கின்றனர். இவர்கள் காட்சிகள் அனைத்துமே ட்ரைலரில் இடம்பிடித்திருந்தாலும், முக்கியமான வில்லன் கதாபாத்திரத்தில் விஜய் சேதுபதி நடிக்கிறார் எனக்கூறப்பட்ட நிலையில், அவர் சம்மந்தப்பட்ட காட்சிகள் எதுவுமே திரையிடப்படவில்லை. இந்நிலையில் ரசிகர்களை ஆச்சரியப்படுத்தும் விதமாக, வித்தியாசமான கெட்அப்பில், நடிகர் விஜய் சேதுபதியின் கதாபாத்திரம் குறித்த போஸ்டர் ஒன்றை இன்று வெளியிட்டார் நடிகர் ஷாருக்கான். அந்த போஸ்டர் வெளியான சில நிமிடங்களிலேயே வைரலாகி வருகிறது.
