செல்வராகவனின் 7ஜி ரெயின்போ காலனி படத்தின் 2-ம் பாகம் வரப்போகிறதா?
செய்தி முன்னோட்டம்
2003-ஆம் ஆண்டு காதல் கொண்டேன் படத்தின் மூலம் இயக்குனராக திரைக்கு அறிமுகமானவர் செல்வராகவன்.
முதல் படத்திலேயே தனக்கென ரசிகர்களின் பட்டாளத்தை உருவாக்கியவர் இவர்.
இதன் பிறகு இவர் 7ஜி ரெயின்போ காலனி, புதுப்பேட்டை ஆயிரத்தில் ஒருவன் மயக்கம் என்ன, இரண்டாம் உலகம் , நெஞ்சம் மறப்பதில்லை, என்.ஜி.கே போன்ற படங்களை இயக்கியுள்ளார்.
2004-ஆம் ஆண்டு வெளிவந்த 7ஜி ரெயின்போ காலனி இளைஞர்கள் மத்தியில் நல்ல வரவேற்பை பெற்று பெரிய அளவில் ஹிட்டை கொடுத்தது.
இப்படத்தில் சோனியா அகர்வால் மற்றும் ரவி கிருஷ்ணா முக்கிய கதாபாத்திரங்களில் நடித்து இருந்தனர்.
யுவன் ஷங்கர் ராஜா இசையில் வெளிவந்த இப்படத்தில் அனைத்து பாடல்களும் ஹிட்.
7ஜி ரெயின்போ காலனி - 2
18 வருடங்களுக்கு பிறகு இரண்டாம் பாகம் 7ஜி ரெயின்போ காலனி - 2
இதனையடுத்து 18 வருடங்கள் கழித்து 7ஜி ரெயின்போ காலனி படத்தின் இரண்டாம் பாகம் எடுக்க இருப்பதாக அதன் தயாரிப்பாளர் ஏ. எம். ரத்னம் மூலம் தகவல் வெளியாகியுள்ளது.
இதைப் பற்றி இயக்குனர் செல்வராகவனிடம் பேச்சு வார்த்தைகள் நடைபெற்று வருவதாகவும் கூறப்படுகிறது. இந்தத் தகவல் செல்வராகவன் ரசிகர்களிடையே உற்சாகத்தை ஏற்படுத்தியுள்ளது.
இரண்டாம் பாகத்திலும் 7ஜி ரெயின்போ காலனி படத்தில் நடித்த ரவி கிருஷ்ணா அவர்களே கதாநாயகனாக நடிக்க இருக்கிறார் என தெரிவித்துள்ளனர்.
இசையமைப்பாளர் யுவன் ஷங்கர் ராஜா இரண்டாம் பாகத்திற்கு இசையமைப்பாரா என்பது பற்றி தகவல் வெளிவரவில்லை. விரைவில் இதை பற்றிய அதிகாரப்பூர்வ அறிவிப்பு வரும் என எதிர்பார்க்கப்படுகிறது.