முன்னாள் கணவர் நாகசைதன்யா பற்றி, முதன்முறையாக மனம் திறந்தார் நடிகை சமந்தா
செய்தி முன்னோட்டம்
நடிகை சமந்தா மற்றும் தெலுங்கு நடிகர் நாகசைதன்யா, பல வருடங்கள் காதலித்த பிறகு, கடந்த 2017-இல், திருமணம் செய்து கொண்டனர்.
4 வருடங்கள் கழித்து, 2021 ஆண்டில், நன்றாக சென்று கொண்டிருந்த அவர்களது திருமண வாழ்க்கையை, திடீரென முறித்து கொள்வதாக இருவரும் அறிவித்தனர்.
அதற்கான காரணம் குறித்து இருவரும் பொதுவெளியில் பேசுவதை தவிர்த்து வந்தனர்.
அதனை தொடர்ந்து, இருவரும் தத்தமது வேலைகளில் கவனம் செலுத்தி வந்தனர்.
இதனிடையே, சமந்தாவிற்கு மயோசிட்டிஸ் என்ற நோய்பாதிப்பு ஏற்பட்டது.
தனிப்பட்ட வாழ்க்கையில் ஏற்பட்ட வலியுடன், இந்த நோயும் சேர்ந்தபோது மிகவும் உடைந்து போன சமந்தா, ஆன்மீக பாதையை தேர்ந்தெடுத்தார். அதோடு, உடற்பயிற்சிகளிலும் கவனம் செலுத்த தொடங்கினார். குறிப்பிட்ட சில கதைகளை தேர்வு செய்து நடிக்க ஆரம்பித்தார் சமந்தா.
சமந்தா
மாஜி கணவர் குறித்து சமந்தாவின் கருத்து
மறுபுறம், நாகசைதன்யாவும், கதைக்கு முக்கியத்துவம் தரும் படங்களாக தேர்வு செய்தி நடித்துக்கொண்டிருந்த வேளையில், 'பொன்னியின் செல்வன்' படத்தில், வானதி கதாபாத்திரத்தில் நடித்த ஷோபிதா என்ற நடிகையுடன் காதலில் விழுந்ததாக கூறப்பட்டது.
நாகசைதன்யாவும், ஷோபிதாவும், லண்டனில் ஒரு உணவகத்தில் இருப்பது போன்ற புகைப்படம் வைரலானதை அடுத்து, சமந்தா கருத்து தெரிவித்துள்ளதாக ஒரு ஊடக செய்தி தெரிவித்துள்ளது.
அதன்படி, "யாருடைய காதல் வாழ்க்கை பற்றியும் எனக்கு அக்கறை இல்லை. உண்மை காதலின் மகத்துவம் அறியாதவர்கள், எத்தனை பேரை காதலித்தாலும், வலி தான் மிஞ்சும். அவருடைய போக்கினை இனியாவது மாற்றிக்கொண்டால், அனைவருக்கும் நல்லது" என்பது போல சமந்தா கூறியுள்ளார் என அந்த செய்தி தெரிவிக்கிறது.