சினிமாவில் இருக்கும் ஊதிய வேறுபாடு குறித்து தெரிவித்த சமந்தா
பணிபுரியும் இடங்களில், பெண்களுக்கு, ஆண்களுக்கு நிகரான உரிமைகள் கிடைக்கப்படுவதில்லை. அதிலும் சினிமா துறையில், ஆண்களும் பெண்களுக்குமான வேறுபாடு அதிகம் எனக்கூறலாம். வயதான நடிகரை ஹீரோவாக ஏற்று கொள்ளும் ஒரு ரசிகன், ஏனோ, திருமணமான ஒரு நடிகையை முன்னணி கதாநாயகியாக ஏற்றுக்கொள்ள மறுக்கிறான். அதேபோல, முன்னணி நடிகருக்கும், முன்னணி நடிகைக்குமான சம்பள விஷயத்திலும் வேறுபாடு நிலவி வருகிறது. ஹீரோவிற்கு கோடிகளை அள்ளித்தரும் தயாரிப்பாளர், நடிகைகளுக்கு ஒரு படி குறைவாகவே சம்பளம் தருகிறார்கள். இதை குறித்து சமந்தா வெளிப்படையாக சமீபத்தில் ஒரு பேட்டியில் குறிப்பிட்டுள்ளார். Pinkvillaவுடனான ஒரு நேர்காணலில், சமந்தா, சமமான ஊதியத்திற்காக பிச்சை எடுக்க கூடாதென்றும், அதற்காக, தனது சொந்த முயற்சியில், கடுமையாக போராட வேண்டும் என வலியுறுத்தினார்.
