'வேட்டையன்': ரன்னிங் டைம், சான்றிதழ் மற்றும் முழு நடிகர்கள் விவரம் இதோ!
செய்தி முன்னோட்டம்
சூப்பர் ஸ்டார் ரஜினிகாந்த் நடித்துள்ள 'வேட்டையன்' திரைப்படம் வரும் அக்டோபர் 10ஆம் தேதி திரைக்கு வர உள்ளது.
தயாரிப்பாளர்கள் சமீபத்தில் இன்ஸ்டாகிராமில் வேட்டையன் படம் U/A சென்சார் சான்றிதழ் பெற்றதனை அறிவித்தனர்.
"The hunt is certified! VETTAIYAN gets the U/A stamp! Get ready for an action-packed extravaganza coming your way" என பதிவிட்டிருந்தனர்.
அதன்படி, வேட்டையன் திரைப்படத்தின் நீளம் இரண்டு மணி நேரம் 43 நிமிடங்கள் ஆகும்.
திரைப்பட விவரங்கள்
வேட்டையன் கதை மற்றும் ரஜினிகாந்தின் பாத்திரம்
வேட்டையனில், கிரிமினல் என்கவுன்டர்களை கையாள்வதில் நிபுணத்துவம் வாய்ந்த ஐபிஎஸ் அதிகாரியாக ரஜினிகாந்த் நடிக்கிறார்.
முன்னதாக 'ஜெய் பீம்' திரைப்படத்தின் மூலம் தனி கவனத்தை பெற்ற TJ ஞானவேல், இப்படத்தில் கருத்தியல் மோதல்கள் மற்றும் மனித உரிமைகள் சிக்கல்களை பற்றி பேசியுள்ளார்.
அதோடு, 33 ஆண்டுகளுக்குப் பிறகு ரஜினிகாந்த் மற்றும் அமிதாப் பச்சன் இருவரும் பெரிய திரையில் மீண்டும் இணைகிறார்கள்!
மேலும் அமிதாப் பச்சனுக்கு இது முதல் நேரடி தமிழ் திரைப்படமாகும்.
குழும நடிகர்கள்
'வேட்டையன்' படத்தில் நட்சத்திர நடிகர்கள் நடித்துள்ளனர்
வேட்டையனில் ஃபகத் ஃபாசில், ராணா டகுபதி, மஞ்சு வாரியர், ரித்திகா சிங், துஷாரா விஜயன், ரோகினி, ராவ் ரமேஷ், ரமேஷ் திலக், கிஷோர், ரக்ஷன், ஜி.எம்.சுந்தர், அபிராமி, ஷாஜி சென் உள்ளிட்ட பலர் நடித்துள்ளனர்.
மேலும், இசையமைப்பாளர் அனிருத் ரவிச்சந்தர் 'மனசிலையோ' பாடலில் ரஜினியுடன் நடனமாடியுள்ளார்.
வேட்டையன் படத்திற்கான முன்பதிவு ஏற்கனவே தொடங்கிவிட்டது.
வேட்டையனுக்குப் பிறகு ரஜினி, லோகேஷ் கனகராஜ் இயக்கத்தில் 'கூலி' படத்தில் நடிக்கிறார். இந்த அதிரடி படத்தில் நாகார்ஜுனா அக்கினேனி மற்றும் உபேந்திர ராவ் ஆகியோர் முக்கிய வேடங்களில் நடிக்கவுள்ளனர்.