'இந்தியாவின் எடிசன்' ஜிடி நாயுடு பயோபிக் 'GDN' ரிலீஸ் தேதி மற்றும் மிரட்டல் போஸ்டர் அவுட்!
செய்தி முன்னோட்டம்
நடிகர் ஆர் மாதவன் தற்பொழுது மிகவும் பிஸியான நடிகராக வலம் வருகிறார். அண்மையில் வெளியான உளவு அதிரடித் திரைப்படமான துரந்தர் ரசிகர்கள் மத்தியில் மாபெரும் வரவேற்பைப் பெற்றது. இந்த படத்தின் மெகா ஹிட்டைத் தொடர்ந்து மாதவன் நடிப்பில் அடுத்த முக்கியப் படைப்பான 'GDN' படத்தின் புதிய போஸ்டர் தற்பொழுது வெளியாகியுள்ளது. இந்த திரைப்படம் இந்தியாவின் புகழ்பெற்ற கண்டுபிடிப்பாளரும், தொழில்துறை முன்னோடியுமான கோயம்புத்தூர் ஜி.டி.நாயுடுவின் வாழ்க்கை வரலாற்றை மையமாகக் கொண்டு உருவாக்கப்பட்டுள்ளது.
5 மொழிகளில் வெளியாகிறது பிரம்மாண்ட படம்
ஜூலை 17, 2026 அன்று உலகளாவிய தியேட்டர் ரிலீஸ்
இந்தத் திரைப்படத்தின் புதிய போஸ்டருடன் சேர்த்து அதன் அதிகாரப்பூர்வவெளியீட்டுத் தேதியையும் படக்குழுவினர் தற்பொழுது அறிவித்துள்ளனர். இதன்படி 'GDN' திரைப்படம் வரும் ஜூலை 17, 2026 அன்று உலகம் முழுவதும் தியேட்டர்களில் பிரம்மாண்டமாக வெளியாகவுள்ளது. இந்தத் திரைப்படத்தை வர்கீஸ் மூலன் பிக்சர்ஸ் மற்றும் மாதவனின் ட்ரைகலர் ஃபிலிம்ஸ் ஆகிய நிறுவனங்கள் இணைந்து தயாரித்துள்ளன. இப்படம் தமிழ், தெலுங்கு, கன்னடம், மலையாளம் மற்றும் இந்தி என மொத்தம் ஐந்து மொழிகளில் பான்-இந்தியா திரைப்படமாக வெளியாக உள்ளது குறிப்பிடத்தக்கது.
நடிகர்கள்
சத்யராஜ், ஜெயராம் முதல் துஷாரா விஜயன் வரை; 'GDN' படத்தில் இணையும் மாஸ் நட்சத்திரப் பட்டாளம்
இந்தப் படத்தை இயக்குனர் கிருஷ்ணகுமார் ராமகுமார் இயக்கியுள்ளார். இதில் மாதவனுடன் இணைந்து தமிழ் மற்றும் தென்னிந்திய சினிமாவின் முன்னணி நட்சத்திரங்கள் பலரும் முக்கியக் கதாபாத்திரங்களில் நடித்துள்ளனர். குறிப்பாக நடிகர் சத்யராஜ், ஜெயராம், பிரியாமணி, யோகி பாபு மற்றும் துஷாரா விஜயன் ஆகியோர் இணைந்து நடித்துள்ளதாகப் படக்குழுவினர் அதிகாரப்பூர்வமாகத் தெரிவித்துள்ளனர். மேலும், இந்தத் திரைப்படத்திற்கு இசையமைப்பாளர் கோவிந்த் வசந்தா இசையமைத்துள்ளார். அரவிந்த் கமலநாதன் இந்த படத்திற்கு ஒளிப்பதிவு செய்துள்ளார்.
மிரட்டல் வாசகம்
"பிரிட்டிஷாரால் அஞ்சப்பட்டவர்; சொந்த நாட்டு மக்களால் மறக்கப்பட்டவர்" - போஸ்டரின் மிரட்டல் வாசகம்
தற்பொழுது வெளியாகியுள்ள படத்தின் புதிய போஸ்டரில் "விஷன். இன்னோவேஷன். லெகசி" என்ற வாசகம் இடம் பெற்றுள்ளது. இது ஜிடி நாயுடுவின் அசாத்திய அறிவியல் சிந்தனையை வெளிப்படுத்தும் வகையில் அமைந்துள்ளது. மேலும், இந்த படத்தின் காட்சித் தொகுப்புகளில் "பிரிட்டிஷாரால் அஞ்சப்பட்டவர்... சொந்த நாட்டு மக்களால் மறக்கப்பட்டவர்" என்ற வலிமையான வரிகளும் இடம் பெற்றுள்ளன. இது இந்தத் திரைப்படம் வெறும் வணிகப் படமாக இல்லாமல், இந்தியாவின் சுதந்திர கால வரலாற்றுப் பின்னணியையும், உணர்வுப்பூர்வமான ஆழத்தையும் பேசவுள்ளதை நமக்குத் தெளிவாகக் காட்டுகிறது.
ட்விட்டர் அஞ்சல்
Twitter Post
வரும் ஜூலை 17ல் வெளியாகிறது நடிகர் மாதவன் நடிக்கும் ஜி.டி.நாயுடு திரைப்படம்..#GDN #GDNaidu #ActorMadhavan #EdisonOfIndia #Biopic #July17Release #ThanthiTV pic.twitter.com/Nuf8Vo8XAO
— Thanthi TV (@ThanthiTV) May 21, 2026
ஓடிடி
தியேட்டர் ரிலீசுக்குப் பின் முன்னணி ஓடிடி தளத்தில் ஸ்ட்ரீமிங் செய்ய ஒப்பந்தம்
கோயம்புத்தூரின் சுயக்கற்றல் பொறியாளரான ஜிடி நாயுடு, இந்தியாவின் முதல் உள்நாட்டு மின்சார மோட்டாரை உருவாக்கியவர் ஆவார். ரேஸர்கள், பெட்ரோல் என்ஜின்கள் முதல் டிக்கெட் வழங்கும் இயந்திரங்கள் வரை பல உள்ளூர் கண்டுபிடிப்புகளை நிகழ்த்தியதால் அவர் 'இந்தியாவின் எடிசன்' என்று போற்றப்படுகிறார். இந்தத் திரைப்படம் தியேட்டர்களில் வெளியான சில வாரங்களுக்குப் பிறகு, முன்னணி ஓடிடி தளத்தில் டிஜிட்டல் முறைப்படி ஸ்ட்ரீமிங் செய்யப்பட உள்ளது. மாதவன் நடிக்கும் மற்றொரு அசாத்திய பயோபிக் என்பதால் இதன் மீது ரசிகர்களுக்குப் பலத்த எதிர்பார்ப்பு நிலவுகிறது.