'ஆடுஜீவிதம்': நிர்வாணக் காட்சிகளைப் படமாக்க 3 நாட்கள் பட்டினி இருந்த நடிகர் பிருத்விராஜ்
நடிகர் பிருத்விராஜ் சுகுமாரன், 'ஆடுஜீவிதம்' திரைப்படத்தில் தனது கதாபாத்திரத்திற்காக கடுமையாக பட்டினி இருந்ததாக சமீபத்தில் வெளியான ஒரு பேட்டியில் தெரிவித்துள்ளனர். படத்தின் ஒளிப்பதிவாளர் சுனில் கே.எஸ், அளித்த பேட்டியில் படத்தில் வரும் ஒரு நிர்வாணக் காட்சியை படமாக்குவதற்கு முன்பு மூன்று நாட்கள் பிரித்விராஜ் பட்டினி கிடந்ததாக கூறியுள்ளார். உண்ணாவிரதத்தின் இறுதி நாளில், அவர் தண்ணீர் கூட அருந்தாமல் இருந்தார் எனவும் அந்த பேட்டியில் தெரிவித்துள்ளார். 'ஆடுஜீவிதம்' திரைப்படம், மார்ச் 28 அன்று வெளியானது. அந்த குறிப்பிட்ட காட்சியின் படப்பிடிப்பிற்கு முன், பிருத்விராஜ் தனது உடலில் எஞ்சியிருந்த தண்ணீரை வெளியேற்ற, 30ML ஓட்காவை உட்கொண்டதாகவும் சுனில் தெரிவித்துள்ளார்.
நிர்வாணக் காட்சியில் நடிப்பதில் பிரித்விராஜின் அர்ப்பணிப்பு
அப்படி கடினமாக பட்டினி கிடந்ததனால், பிரிதிவிராஜை படப்பிடிப்பு நடக்கும் இடத்திற்கு நாற்காலியில் அழைத்துச் செல்லப்பட்டார் எனத்தெரிவித்தார். "ஷாட்டுக்கு முன் அவரை நாற்காலியில் இருந்து தூக்க வேண்டும்" என்று கூறினார். இது, ஆடுஜீவிதம் திரைப்படத்திற்காக, கதாபாத்திரத்திற்காக தன்னை வருத்தி கொண்ட நடிகர் ப்ரித்விராஜின் அர்ப்பணிப்பைக் காட்டுகிறது. ஆடுஜீவிதம் திரைப்படம் பென்யாமின் எழுதிய அதே பெயரில் வெளியான புத்தகத்தை அடிப்படையாகக் கொண்டது. இந்த திரைப்படத்தை, மலையாள சினிமாவின் பிரபல இயக்குனர் பிளஸ்ஸி இயக்கியுள்ளார். இப்படம் 15 வருடங்களுக்கும் மேலாக தயாரிப்பில் இருந்தது. இது நஜீப் என்ற புலம்பெயர்ந்த தொழிலாளி, ஒரு தொலைதூர சவூதி அரேபிய பண்ணையில் சிறைபிடிக்கப்பட்டு, ஆடு மேய்க்கும் கதையைச் சொல்கிறது.
