விஜய் முதல்வர் ஆவதை முன்பே கணித்த பூஜா ஹெக்டே: ஜனநாயகன் BTS வீடியோவை வெளியிட்டு வாழ்த்து!
செய்தி முன்னோட்டம்
தமிழகச் சட்டமன்றத் தேர்தல் முடிவுகளில் 108 தொகுதிகளில் வெற்றி பெற்றுத் தமிழக வெற்றிக் கழகத்தின் (தவெக) தலைவர் விஜய் தமிழகத்தின் புதிய முதலமைச்சராகப் பதவியேற்க உள்ள நிலையில், திரையுலகினர் அவருக்குத் தொடர்ந்து வாழ்த்துகளை குவித்து வருகின்றனர். அந்த வகையில், விஜய்யின் இறுதித் திரைப்படமான 'ஜனநாயகன்' திரைப்படத்தின் நாயகி பூஜா ஹெக்டே வீடியோ வெளியிட்டு தனது வாழ்த்துகளைத் தெரிவித்துள்ளார். திரையில் 'ஜனநாயகன்' திரைப்படத்தில் விஜய் காணவிருந்த அரசியல் வெற்றி, இன்று நிஜ வாழ்வில் நனவாகியிருப்பதாக அவர் நெகிழ்ச்சியுடன் தெரிவித்துள்ளார். அந்த வீடியோ தற்போது இணையத்தில் வைரலாகி வருகிறது.
சமூக வலைத்தளங்களில் வைரல்
பூஜா ஹெக்டேவின் வாழ்த்து பதிவு
சமூக வலைத்தளங்களில் விஜய்யுடன் இருக்கும் வீடியோ ஒன்றைப் பகிர்ந்துள்ள பூஜா ஹெக்டே, "விஜய் சார் முதல்வர் ஆவதை நான் முன்பே சரியாகக் கணித்துவிட்டேன். உங்கள் கனவுகள் நனவாகியிருப்பதற்கு வாழ்த்துகள் விஜய் சார்!" எனத் தனது மகிழ்ச்சியை வெளிப்படுத்தியுள்ளார். விஜய்யின் நடிப்பில் வெளியான 'ஜனநாயகன்' திரைப்படத்தின் படப்பிடிப்பு தளத்தில் (BTS) எடுக்கப்பட்ட பிரத்யேக வீடியோ ஒன்றையும் அவர் வெளியிட்டுள்ளார். விஜய்யின் இந்த வரலாற்றுச் சிறப்புமிக்க வெற்றியைத் தொடர்ந்து, ரசிகர்கள் மற்றும் திரைத்துறையினர் கொண்டாட்டத்தில் ஈடுபட்டுள்ளனர். 34.92% வாக்கு விழுக்காட்டுடன் தவெக தனிப்பெரும் கட்சியாக உருவெடுத்துள்ள சூழலில், பூஜா ஹெக்டேவின் இந்தப் பதிவு ரசிகர்களிடையே பெரும் வரவேற்பைப் பெற்றுள்ளது.
ட்விட்டர் அஞ்சல்
Twitter Post
விஜய் சார் முதல்வர் ஆவதை முன்பே சரியாகக் கணித்துவிட்டேன்.கனவுகள் நனவாகியிருப்பதற்கு வாழ்த்துகள், விஜய் சார்! என பதிவிட்டு ஜனநாயகன் BTS வீடியோவை வெளியிட்ட பூஜா ஹெக்டே! #TVKVijay #JanaNayagan #PoojaHegde
— Touring Talkies (@ToouringTalkies) May 5, 2026
pic.twitter.com/6exxGqD0Bs