நயன்தாரா வழியில் பயணிக்கும் நாக சைதன்யா; ரூ.50 கோடிக்கு Netflix உடன் ஒப்பந்தம்
தெலுங்கு நடிகர் நாக சைதன்யா மற்றும் ஷோபிதா துலிபாலாவின் திருமணத்திற்கான டிஜிட்டல் ஸ்ட்ரீமிங் உரிமையை Netflix பெற்றுள்ளது என தகவல் வெளியாகியுள்ளது. வியக்க வைக்கும் வகையில் ₹50 கோடியில் ஒப்பந்தம் முடிவடைந்ததாக ஏஷியாநெட் அறிக்கை தெரிவித்துள்ளது. ரூ.25 கோடிக்கு வாங்கப்பட்ட நயன்தாராவின் ஆவணப்படமான பியாண்ட் தி ஃபேரி டேல் படத்திற்கு ஸ்ட்ரீமிங் ஜாம்பவான் கொடுத்த தொகையை விட இது இரண்டு மடங்கு அதிகம். இருப்பினும், நெட்ஃபிலிக்ஸ் நிறுவனமோ அல்லது நாகர்ஜூனாவின் குடும்பத்தினரோ இந்த செய்தியை இன்னும் அதிகாரப்பூர்வமாக உறுதிப்படுத்தவில்லை.
ஜோடியின் திருமண விவரங்கள்
நாக சைதன்யா மற்றும் ஷோபிதா துலிபாலாவின் திருமணம் டிசம்பர் 4ஆம் தேதி நடைபெறவுள்ளதாக சமீபத்தில் வைரலான திருமண அழைப்பிதழ் உறுதிப்படுத்தப்பட்டுள்ளது. நாக சைதன்யாவின் தாத்தா அக்கினேனி நாகேஸ்வர ராவ் நிறுவியதால், உணர்வுப்பூர்வமான இடமான ஹைதராபாத் அன்னபூர்ணா ஸ்டுடியோவில் திருமண விழா நடைபெறவுள்ளது. அவரது குடும்ப பாரம்பரியத்திற்கு அஞ்சலி செலுத்தவும், தங்கள் மூதாதையரிடம் ஆசி பெறவும் தம்பதியினர் இடத்தைத் தேர்ந்தெடுத்தனர். கடந்த ஆகஸ்ட் 8-ம் தேதி நாக சைதன்யாவின் ஹைதராபாத் இல்லத்தில் அவர்களது குடும்பத்தினர் முன்னிலையில் இருவருக்கும் நிச்சயதார்த்தம் நடைபெற்றது குறிப்பிடத்தக்கது.
