தனுஷ், SJ சூர்யா, அமலா பால் உள்ளிட்டோருக்கு ரெட் கார்டு: விளக்கம் அளித்த தென்னிந்திய நடிகர் சங்கம்
செய்தி முன்னோட்டம்
கோலிவுட்டில், தனுஷ், S.J.சூர்யா, அமலா பால் முதற்கொண்டு 14 நடிகர்-நடிகையர் மீது, தயாரிப்பாளர்களுக்கு ஒத்துழைப்பு அளிக்காததாக கூறி, தென்னிந்திய நடிகர் சங்கத்திடம், தயாரிப்பாளர்கள் சங்க நிர்வாகிகள், புகார் தெரிவித்துள்ளதாக செய்திகள் வெளியாகின.
இதனைத்தொடர்ந்து, அவர்களுக்கு ரெட்-கார்டு வழங்க போவதாகவும் கூறப்பட்டது.
இதனிடையே, தென்னிந்திய நடிகர் சங்கம், தற்போது ஒரு அறிக்கை வெளியிட்டுள்ளது.
அதில், "தென்னிந்திய நடிகர் சங்கத்திற்கும், தமிழ் திரைப்படத் தயாரிப்பாளர்கள் சங்கத்திற்கும் இடையே நீண்டகாலமாக நல்லுறவு நிலவி வருகிறது. நடிகர்கள் நலனை, உரிமைகளை பாதுகாப்பது போலவே தயாரிப்பாளர்கள் நலனை கருத்தில் கொண்டே தென்னிந்திய நடிகர் சங்கம் செயல்பட்டு வந்து கொண்டிருக்கிறது. கடந்த சில நாட்களாக இரு சங்கங்கள் இடையே மோதல் என்ற ரீதியில் ஊடகங்கள் மற்றும் பத்திரிகைகள் மூலமாக செய்திகள் பரப்பப்படுகின்றன".
card 2
"பேசி தீர்க்கப்பட வேண்டிய பிரச்சனைகள்"
"தமிழ் திரைத்துறையின் முக்கிய சங்கங்களான தென்னிந்திய நடிகர் சங்கம் மற்றும் தமிழ்த் திரைப்படத் தயாரிப்பாளர்கள் சங்கங்களுக்குள் இடையே எந்த மோதலும் இல்லை".
"நடிகர்களின் கால்ஷீட், புதிய ஒப்பந்தங்கள் குறித்து தயாரிப்பாளர்கள் தரப்பில் இருந்து சில புகார்கள் வந்தன. அதேபோல் நடிகர்கள் தரப்பிலும் சில பிரச்சினைகளை கூறியுள்ளனர். இவை வழக்கமாக இரு தரப்பிலும் எழக்கூடிய, பேசினால் தீர்ந்து விடக் கூடிய பிரச்சினைகள்தான். ஆனால் ஒரு தரப்பு வாதங்களை மட்டுமே மையமாக வைத்து செய்திகள் பரவுவது வருத்தம் அளிக்கிறது".
"இரு தரப்பிலும் பேச்சுவார்த்தை மிக சுமூகமாக நடைபெற்று வருகிறது. அனைத்து பிரச்சினைகளும் விரைவில் களையப்படும். இதைவிடுத்து இரு சங்கங்களிடையேயான நல்லுறவை சீர்குலைக்கும் விதத்தில் வீண் வதந்திகளை பரப்புவோருக்கு எங்கள் கண்டனத்தை பதிவு செய்கிறோம்" என குறிப்பிட்டுள்ளனர்.
ட்விட்டர் அஞ்சல்
கட்டணம் தெரிவித்த நடிகர் சங்கம்
தென்னிந்திய நடிகர் சங்கம் கண்டனம் !
— nadigarsangam pr news (@siaaprnews) July 3, 2023
சீர்குலைக்கும் வீண் வதந்திகளை பரப்ப வேண்டாம்!! #NadigarSangam #siaa@actornasser @VishalKOfficial @Karthi_Offl #poochiSmurugan #karunas @johnsoncinepro pic.twitter.com/pYE62N9cva