நயன்தாராவை நான் குறை கூறவில்லை, அவரை மதிக்கிறேன்: மாளவிகா மோகனன் விளக்கம்
செய்தி முன்னோட்டம்
'லேடி சூப்பர்ஸ்டார்' பற்றி, தான் கூறிய கருத்து நயன்தாராவுக்காக அல்ல என்றும், 'லேடி'என்கின்ற வார்த்தையை 'சூப்பர் ஸ்டாருடன்' பயன்படுத்துவதை தான், அவர் எதிர்த்ததாகவும், 'மாஸ்டர்' பட நடிகை மாளவிகா மோகனன் விளக்கம் அளித்துள்ளார்.
சமீபத்திய பேட்டி ஒன்றில், 'சூப்பர்ஸ்டார்' என்ற சொல் பாலின நடுநிலையாக இருக்க வேண்டும் என்று குறிப்பிட்டு இருந்தார்.
விரைவில் ரிலீஸ் ஆகவிருக்கும், மலையாள படமான 'கிறிஸ்டி' படத்தின் ப்ரோமோஷனுக்கான பேட்டி ஒன்றில் பேசிய மாளவிகா, "(சூப்பர் ஸ்டார்) என்ற சொல் எனக்குப் பிடிக்கவில்லை. நடிகர்களை சூப்பர் ஸ்டார் என்று அழைக்கலாம் ஆனால் 'லேடி' சூப்பர் ஸ்டார் என்றால் என்ன என்று எனக்கு புரியவில்லை. இங்கே 'பெண்' என்ற தனி டேக் வேண்டாம். சூப்பர் ஸ்டார் போதும்" என்று கூறியிருந்தார்.
ட்விட்டர் அஞ்சல்
மாளவிகாவின் பேட்டி
Dont Call As Lady Super #MalavikaMohanan pic.twitter.com/OS3wTml8j4
— chettyrajubhai (@chettyrajubhai) February 11, 2023
நயன்தாரா
நயன்தாராவை குறிப்பிடவில்லை என்று மாளவிகா விளக்கம்
அவரது கருத்து நயன்தாராவின் ரசிகர்களை கொந்தளிக்க வைத்தது.
காரணம், நயன்தாராவை, தமிழ்நாட்டில் 'லேடி சூப்பர் ஸ்டார்' என்று தான் குறிப்பிடுகிறார்கள்.
அதனால், மாளவிகா, நயன்தாராவை பற்றி தான் அந்த பேட்டியில் அவ்வாறு குறிப்பிட்டார் என்று சர்ச்சை உண்டானது.
அதற்கு தற்போது விளக்கம் அளித்துள்ள மாளவிகா, 'சூப்பர் ஸ்டார்' என்ற சொல் பாலினத்திற்கு பொதுவான சொல் என்றும், அதை 'லேடி' 'சூப்பர்ஸ்டார்' என பகுத்து கூறுவதை தான், தான் கண்டித்ததாகவும், நயன்தாரா மீது தனக்கு மதிப்பும், மரியாதையும் இருப்பதாகவும், தான் அவரை அவமதிக்கும் வகையில் இதை குறிப்பிடவில்லை என்றும் கூறியுள்ளார்.
ட்விட்டர் அஞ்சல்
மாளவிகாவின் விளக்கம்
My comment was about a term that is used to describe female actors not about any specific actor. I really respect admire Nayanthara, and as a senior really look upto her incredible journey. Can people please calm down. Especially the tabloid journos.
— Christy (@MalavikaM_) February 12, 2023
Only ♥️ to Miss N https://t.co/QyrfqOoJWU