மாமன்னன் தான் நடிகராக என் கடைசிப் படம்: அமைச்சர் உதயநிதி ஸ்டாலின்
செய்தி முன்னோட்டம்
உதயநிதி ஸ்டாலின், ஆளும் கட்சியாகிய திராவிட முன்னேற்ற கழகத்தின் (திமுக) இளைஞரணிச் செயலாளராகவும், சென்னை சேப்பாக்கம்- திருவல்லிக்கேணி தொகுதி எம்.எல்.ஏ. ஆகவும் இருந்து வருகிறார்.
மேலும் இவர் சினிமா தயாரிப்பாளர், நடிகர், விநியோகிஸ்தர் என பல்வேறு துறைகளில் வெற்றிகரமாக இயங்கி வருகிறார்.
அரசியல், சினிமா என இரண்டு துறைகளிலும் இவர் சம நிலையாக கவனம் செலுத்தி வந்தார். இதனையடுத்து டிசம்பர் 14, புதன்கிழமை மாநில அமைச்சராகப் பதவியேற்றார்.
பதிவியை ஏற்ற சிறிது நேரத்திலேயே, உதயநிதி ஸ்டாலின் அவர்கள் வரவிருக்கும் தமிழ்த் திரைப்படம் மாமன்னன் தான் நடிகராக நடிக்க இருக்கும் தன்னுடைய கடைசி படம் என செய்தியாளர்களிடம் அறிவித்து உள்ளார்.
உதயநிதி
சினிமா துறையை விட்டு முழுவதும் விலகுகிறாரா உதயநிதி ஸ்டாலின்?
கர்ணன் படத்தை இயக்கிய மாரி செல்வராஜ், எழுதி இயக்கும் திரைப்படம் மாமன்னன் ஆகும்.
உதயநிதி ஸ்டாலினால் தயாரிக்கப்பட்டு வரவிருக்கும் இந்த படம் அரசியல் பரபரப்பூட்டும் திரைப்படம் ஆகும்.
இப்படத்தில் பகத் பாசில், கீர்த்தி சுரேஷ், வடிவேலு ஆகியோருடன் உதயநிதி ஸ்டாலின் நடித்துள்ளார்.
இது தன் கடைசி படம் என அறிவித்து இருந்த நிலையில், உதயநிதி தனது சொந்த தயாரிப்பு நிறுவனமான ரெட் ஜெயண்ட் மூவிஸ் மூலம் தொடர்ந்து படங்களைத் தயாரித்து விநியோகிப்பாரா என்பது தெளிவாகத் தெரியபட வில்லை.
மேலும் கமல்ஹாசன் தயாரிப்பு நிறுவனமான ராஜ் கமல் ஃபிலிம்ஸ் இன்டர்நேஷனல் உதயநிதி நடிக்கும் படத்தை தயாரிக்கப் போவதாக அறிவிக்கப்பட்டு இருந்தது என்பதும் குறிப்பிடத்தக்கது.