எந்த படத்தை, எங்கு பார்க்கலாம்: இந்த வாரம் ஓடிடியில் வெளியாகவுள்ள படங்களின் பட்டியல்
செய்தி முன்னோட்டம்
இந்த வாரம் பெரிதாக எந்த ஒரு திரைப்படமும், திரையரங்குகளில் வெளியாகாத நிலையில், ஓடிடியில் வெளியான,வெளியாகவுள்ள படங்களின் பட்டியல் இதோ உங்களுக்காக: வாரிசு: விஜய் நடிப்பில், பொங்கலுக்கு வெளியாகி வெற்றிகரமாக இன்னும் திரையரங்குகளில் ஓடிக்கொண்டிருக்கும் வாரிசு திரைப்படம், இன்று (பிப்.,22 ) அமேசான் ப்ரைம் விடியோவில் வெளியாகியுள்ளது. அதோடு இந்த படம் 'SunNxt '-லும் வெளியாகியுள்ளது எனத்தெரிவிக்கப்பட்டுள்ளது. இந்த படத்தில், விஜய்க்கு ஜோடியாக ரஷ்மிக்கா மந்தனா நடித்திருந்தார். தமனின் இசையில் வெளியான படத்தின் பாடல்கள் அனைத்தும் ஹிட். இந்த படத்தில், சரத்குமார், பிரகாஷ்ராஜ், ஷாம் மற்றும் பலர் நடித்துள்ளனர். தங்கம்: அல்போன்ஸ் புத்திரன் நடிப்பில் வெளியான மலையாள திரில்லர் படம். இதுவும் ப்ரைம் விடியோவில் வெளியாகியுள்ளது. இந்த படத்தை நடிகர் பஹத் பாசில் தயாரித்துள்ளார்.
ஓடிடி
Aha-வில் வெளியாகும் மைக்கேல்
மைக்கேல்: ரஞ்சித் ஜெயக்கொடி இயக்கத்தில், சந்தீப் கிஷன் நடிப்பில் வெளியான படம் மைகேல். இந்த படத்தை லோகேஷ் கனகராஜ் வழங்கியுள்ளார். மேலும் இந்த படத்தில், விஜய் சேதுபதி முக்கிய வேடத்தில் நடித்துள்ளார். இந்த படம் 'Aha' தளத்தில், வரும் பிப்ரவரி 24 வெளியாகவுள்ளது. வீர சிம்ம ரெட்டி: பழம்பெரும் நடிகர் NTR-இன் மகனான, பாலகிருஷ்ணா நடிப்பில் வெளியான இந்த தெலுங்கு படம், நாளை (பிப்., 23), டிஸ்னி ஹாட்ஸ்டாரில் வெளியாகப்போகிறது. இந்த படத்தில், பாலகிருஷ்ணாவிற்கு ஜோடியாக ஸ்ருதி ஹாசன் நடித்துள்ளார். இந்த படம் வெளியானதும் கலவையான விமர்சனங்களை பெற்றது. இந்த படங்கள் போக, க்ரந்தி, இரு துருவம் S2, நண்பகல் நேரத்து மயக்கம் போன்ற படங்களும் இந்த வாரம் வெளியாகப்போகிறது.