அஜித், விஜய் இருவரையும் வைத்து இயக்கிய இயக்குனர்களின் பட்டியல்!
கோலிவுட்டில் தல அஜித் மற்றும் தளபதி விஜய் நம் மத்தில் பிரபலமான நடிகர்கள். இவர்களுடன் பணியாற்ற இயக்குனர்கள், தயாரிப்பாளர்கள் கூட பல வருடங்கள் காத்திருக்க வேண்டியிருந்தது. இருவருடனும் பணியாற்றிய இயக்குனர்களின் பட்டியலை காணலாம். வெங்கட் பிரபு: இயக்குனர் வெங்கட் பிரபு 2011ல் நடிகர் அஜித்தை வைத்து 'மங்காத்தா' திரைப்படத்தை இயக்கினார். தற்போது விஜய்யுடன் இணைந்து 'தளபதி 68' படத்திற்கான அதிகாரபூர்வ அறிவிப்பை வெளியிட்டுள்ளார். அடுத்த ஆண்டு இந்த படம் வெளியாக உள்ளது. கே.எஸ்.ரவிக்குமார்: தமிழ் திரையுலகின் மூத்த இயக்குனர்களில் ஒருவரான கே.எஸ்.ரவிக்குமார், 1999ல் வெளியான 'மின்சார கண்ணா' படத்தில் விஜய்யுடன் இணைந்து பணியாற்றினார். அதன்பிறகு 2006ல் அஜித் நடித்த 'வரலாறு' படத்தை இயக்கினார். இரண்டு படங்களுமே பாக்ஸ் ஆபிஸில் சராசரியாக வெற்றிகளை பெற்றன.
இயக்குனர்களின் பட்டியல்
ஏ.ஆர்.முருகதாஸ்: இயக்குனர் ஏ.ஆர்.முருகதாஸ் கோலிவுட்டில் அஜித் நடிப்பில் வெளியான 'தீனா' படத்தின் மூலம் அறிமுகமானார். மேலும் ஏ.ஆர்.முருகதாஸ், விஜய்யுடன் சேர்ந்து துப்பாக்கி, கத்தி, சர்கார் உள்ளிட்ட பல படங்களில் பணியாற்றினார். எஸ்.ஜே.சூர்யா: எஸ்.ஜே.சூர்யா இயக்கத்தில் விஜய் நடித்த 'குஷி' மற்றும் அஜித் நடித்த 'வள்ளி'. இந்த இரண்டு படங்களும் வெளியாகி 24 வருடங்கள் ஆகிவிட்டன, ஆனால் இந்த இரண்டு படங்களும் நடிகர்களின் திரைப்பயணத்தில் சிறந்த அடித்தளமாக இருந்தது. ஜானகி சௌந்தர்: அஜித், விஜய் இருவரையும் ஒரே படத்தில் இயக்கும் வாய்ப்பைப் பெற்ற ஒரே இயக்குனர் ஜானகி சௌந்தர்தான். 1995 ஆம் ஆண்டு வெளியான 'ராஜாவின் பார்வையிலே' திரைப்படத்தில் இருவரும் நடித்திருந்தனர். அதன் பிறகு இருவரும் சேர்ந்து ஒரே படத்தில் நடிக்கவே இல்லை.
