கமல்ஹாசன் - ஹெச். வினோத் இணையும் KH 233 திரைப்படத்தின் தலைப்பு 'மர்மயோகி'?
கமல்ஹாசன் தற்போது 'இந்தியன்-2' படத்தின் டப்பிங் வேலைகளை முடித்துவிட்டார். அடுத்ததாக ஹெச்.வினோத் இயக்கத்தில், KH 233 என தற்காலிகமாக தலைப்பிடப்பட்டிருக்கும் படத்தின் ஆரம்பகட்ட பணிகளில் இறங்கியுள்ளார். இப்படத்தினை சார்ந்து வேறு எந்த அறிவிப்புகளும் வெளியாகாத நிலையில், இப்படத்தின் ஷூட்டிங் தொடங்கியதாக கமல் தன்னுடைய அதிகாரபூர்வ சமூகவலைத்தள பக்கத்தில் அறிவித்திருந்தார். இந்த படத்தில் கமல்ஹாசன் சமூக அவலங்களை தட்டி கேட்கும் காவல் அதிகாரியாக வருகிறார் என ஊடகங்கள் யூகிக்க தொடங்கின. இந்த நிலையில், படத்தின் பெயர் இதுவாக இருக்கும் என ஒரு செய்தி இணையத்தில் உலவி வருகிறது. அதன்படி, படத்தின் பெயர் 'மர்மயோகி'. இது ஏற்கனவே கமல் தன்னுடைய படத்திற்காக MGR -இடமிருந்து காப்பிரைட்ஸ் வாங்கி வைத்திருந்தார் என்பது குறிப்பிடத்தக்கது.
கமலின் அடுத்த படங்கள்
கமல்ஹாசன் இந்த பெயரில் ஒரு படத்தை இயக்குவதாக இருந்தாராம். ஆனால் அப்படம், ஷூட்டிங் போவதற்கு முன்னரே ட்ராப் ஆனதாகவும் செய்திகள் தெரிவிக்கின்றன. தற்போது இந்த பெயரை தான் வினோத் தேர்வு செய்துள்ளாராம். மறுபுறம், கமல்ஹாசன், பிரபாஸ் நாயகனாக நடிக்கும், நாக் அஸ்வின் இயக்கும் கல்கி திரைப்படத்தில் வில்லனாக நடிக்கிறார். அதுமட்டுமின்றி, மணிரத்னம் இயக்கத்தில் ஒரு திரைப்படத்தின் ஆரம்பகட்ட பணிகளில் தன்னை ஈடுபடுத்திகொண்டுள்ளார் எனவும் கூறப்படுகிறது. இது மட்டுமின்றி மேலும் இரு படங்கள் பேச்சு வார்த்தையில் உள்ளதாகவும் கூறுகின்றனர். மறுபுறம், வாரந்தோறும் பிக்பாஸ் நிகழ்ச்சியை தொகுத்து வழங்கிவருகிறார் என்பதும் குறிப்பிடத்தக்கது
