கொட்டுக்காளி, வாழைக்கு போட்டியாக ராயன், கல்கி 2898AD; இந்த வார ஓடிடி அப்டேட்
செய்தி முன்னோட்டம்
இந்த வாரம் மாரி செல்வராஜின் வாழை உள்ளிட்ட பல்வேறு படங்கள் திரைக்கு வர உள்ள நிலையில், அதற்கு போட்டியாக ஓடிடியிலும் படங்கள் வெளியாக உள்ளதால், தமிழ் சினிமா ரசிகர்கள் கொண்டாட்டத்தில் உள்ளனர். கோலிவுட்டில் இந்த வாரம் பெரிய நடிகர்களின் படங்கள் எதுவும் திரைக்கு வராத நிலையில், பரியேறும் பெருமாள், அசுரன், கர்ணன் உள்ளிட்ட படங்களைக் கொடுத்த மாரி செல்வராஜ் இயக்கத்தில் வாழை என்ற திரைப்பட வெளியாக உள்ளது. இந்த படத்தில் கலையரசன், நிகிலா விமல், திவ்யா துரைசாமி உள்ளிட்ட பலரும் நடித்துள்ள நிலையில், படத்திற்கு சந்தோஷ் நாராயணன் இசையமைத்துள்ளார். இதுதவிர, நடிகர் சூரி கதாநாயகனாக நடித்துள்ள கொட்டுக்காளி திரைப்படமும் இந்த வாரம் திரைக்கு வருகிறது.
ஓடிடி அப்டேட்
ஓடிடி வெப் சீரீஸ் உப்பு புளி காரம்
மேலே குறிப்பிட்டுள்ள இரண்டு படங்களைத் தவிர, போகுமிடம் வெகு தூரமில்லை, அதர்ம கதைகள், சாலா ஆகிய படங்களும் இந்த வாரம் வெளியாகின்றன. இவையனைத்தும் வெள்ளிக்கிழமை (ஆகஸ்ட் 23) அன்று திரைக்கு வர உள்ளன. இந்நிலையில், தியேட்டரில் வெளியாகும் படங்களுக்கு போட்டியாக ஓடிடி அப்டேட்களும் வந்துள்ளன. இதன்படி நடிகர் தனுஷ் தானே இயக்கி நடித்திருந்த ராயன் திரைப்படம் அமேசான் பிரைம் ஓடிடி தளத்தில் வெள்ளிக்கிழமை வெளியாக உள்ளது. இதேபோல், மகாபாரத கதையை அடிப்படையாக வைத்து எடுக்கப்பட்ட கல்கி 2898AD படமும் வெள்ளிக்கிழமை பிரைம் தளத்தில் வெளியாக உள்ளது. மேலும், டிஸ்னி பிளஸ் ஹாட் ஸ்டாரில் நல்ல வரவேற்பைப் பெற்று வரும் உப்பு புளி காரம் சீரிஸின் அடுத்த எபிசோட் வெளியாக உள்ளது.